Live Results Assembly Elections 2018

اقوام متحدہ کی سلامتی کونسل میں ’راجدھانی یروشلم‘ کے معاملہ پر امریکہ کا ویٹو

نیویارک۔ اقوام متحدہ کی سلامتی کونسل میں بیت المقدس (یروشلم) کو اسرائیل کا دارالحکومت تسلیم کرنے کے فیصلے کو واپس لینے کے لیے پیش کی گئی قرار داد کو امریکہ نے 'بے عزتی' سے تعبیر کرتے ہوئے ویٹو کردیا

Dec 19, 2017 09:41 AM IST | Updated on: Dec 19, 2017 09:50 AM IST

نیویارک۔ اقوام متحدہ کی سلامتی کونسل میں بیت المقدس (یروشلم) کو اسرائیل کا دارالحکومت تسلیم کرنے کے فیصلے کو واپس لینے کے لیے پیش کی گئی قرار داد کو امریکہ نے 'بے عزتی' سے تعبیر کرتے ہوئے ویٹو کردیا جبکہ سلامتی کونسل کے دیگر 14 اراکین نے قرارداد کے حق میں ووٹ دیا۔ امریکی سفیر نکی ہیلی نے سلامتی کونسل کے اجلاس میں بیت المقدس سے متعلق پیش کی گئی قرار داد کو ویٹو کرنے کا اعلان کرتے ہوئے کہا کہ امریکہ کے فیصلے کے خلاف پیش کی گئی قرار داد ایک 'بے عزتی' ہے۔ ان کا کہنا تھا کہ 'سلامتی کونسل میں جو کچھ آج ہم نے دیکھا ہے وہ ایک بے عزتی ہے جس کو فراموش نہیں کیا جائے گا'۔

امریکی سفیر نے سلامتی کونسل کی قرار داد پر بات کرتے ہوئے کہا کہ 'اقوام متحدہ اسرائیل-فلسطین مسئلے پر جو کہہ رہی ہے وہ بہتری سے زیادہ نقصان دہ ہے'۔ اقوام متحدہ کے اجلاس میں 193 ممالک کے نمائندگان نے شرکت کی جبکہ برطانیہ سمیت سلامتی کونسل کے 14 اراکین نے امریکی صدرکے فیصلے کے خلاف ووٹ دیا اور تنہا امریکہ نے فیصلے کو ویٹو کیا۔ خیال رہے کہ امریکہ کے علاوہ برطانیہ، چین، روس اور فرانس کے پاس سلامتی کونسل کی کسی بھی قرار داد کو ویٹو کرنے کا اختیار حاصل ہے جبکہ قرار داد کو پیش کرنے کے لیے 9 اراکین کی رضامندی لازم ہوتی ہے۔

اقوام متحدہ کی سلامتی کونسل میں ’راجدھانی یروشلم‘ کے معاملہ پر امریکہ کا ویٹو

امریکی سفیر نکی ہیلی نے سلامتی کونسل کے اجلاس میں بیت المقدس سے متعلق پیش کی گئی قرار داد کو ویٹو کرنے کا اعلان کرتے ہوئے کہا کہ امریکہ کے فیصلے کے خلاف پیش کی گئی قرار داد ایک 'بے عزتی' ہے۔ تصویر، رائٹرز۔

اقوام متحدہ میں بیت المقدس کے حوالہ سے امریکی فیصلہ کے خلاف قرار داد مصر کی جانب سے پیش کی گئی۔ دوسری جانب فلسطینی حکام نے اقوام متحدہ کی قرار داد کو ویٹو کرنے کے اقدام کو 'ناقابل قبول' قرار دیتے ہوئے امریکی رویے پر شدید تنقید کی ہے۔ یاد رہے کہ امریکی صدر ڈونلڈ ٹرمپ نے 6 دسمبر کو مقبوضہ بیت المقدس (یروشلم) کو اسرائیل کا دارالحکومت تسلیم کرتے ہوئے امریکہ کے سفارت خانے کو تل ابیب سے یروشلم منتقل کرنے کی ہدایت کی تھی۔ امریکی صدر کے فیصلہ کے بعد نہ صرف فلسطین بلکہ تمام مسلمان ممالک سمیت عالمی برادری نے اس فیصلے کی مخالفت کی تھی اور آج اس معاملہ پر سلامتی کونسل کے اجلاس میں امریکی اقدام کی مخالفت میں ووٹ دئیے۔

ترکی کے صدر رجب طیب اردگان نے اس فیصلہ کے خلاف فوری ردعمل دیتے ہوئے اسلامی تعاون تنظیم (او آئی سی) کا اجلاس طلب کیا تھا جہاں پر رکن ممالک نے فیصلے کو مسترد کرتے ہوئے امریکہ سے اس فیصلے کو واپس لینے کا مطالبہ کیا تھا۔

Loading...

Loading...

متعلقہ اسٹوریز

ری کمنڈیڈ اسٹوریز