نوٹ بندی کے بعد نتیش کمار نے اب کی بی جے پی کے اس ماڈل کی جم کر تعریف

Mar 27, 2017 01:42 PM IST | Updated on: Mar 27, 2017 01:42 PM IST

رائے پور۔ اپنے ایک روزہ دورہ پر اتوار کو چھتیس گڑھ پہنچے بہار کے وزیر اعلی نتیش کمار نے بی جے پی کے طریقہ کار کی جم کر تعریف کی۔ انہوں نے چھتیس گڑھ حکومت کی عوامی تقسیم کے نظام (پی ڈی ایس) کی تعریف کرتے ہوئے کہا کہ یہ ملک کا سب سے زیادہ شفافیت پر مبنی تقسیم کا نظام ہے۔ انہوں نے اتوار کی شام وزیر اعلی ڈاکٹر رمن سنگھ سے ان کی رہائش گاہ پر ملاقات کی۔ نتیش نے اپنے ساتھ آئے بہار کے وزیر تعلیم اشوک چودھری اور آبی وسائل کے وزیر راجیو رنجن سے ڈاکٹر سنگھ کا تعارف کراتے ہوئے کہا کہ ان کا (ڈاکٹر رمن سنگھ کا) پی ڈی ایس ملک میں سب سے اچھا ہے۔ اس نظام میں غریبوں کے لئے راشن تقسیم کے بہتر انتظامات کے ساتھ ساتھ کسانوں سے امدادی قیمت پر دھان خریداری کا بھی اچھا انتظام کیا گیا ہے۔

انہوں نے کہا کہ چھتیس گڑھ کے پی ڈی ایس میں دھان کی خریداری کے لئے جو کمپیوٹرائزڈ آن لائن نظام ہے، اس سے ہر دن شام کو یہ بتایا جا سکتا ہے کہ کون سی کمیٹی میں کون کون کسانوں نے اپنا دھان فروخت کیا اور انہیں آن لائن کتنا ادا ہوا۔

نوٹ بندی کے بعد نتیش کمار نے اب کی بی جے پی کے اس ماڈل کی جم کر تعریف

گیٹی امیجیز: فائل فوٹو

نتیش نے رمن سنگھ سے کہا کہ مجھے آپ کے پی ڈی ایس نے اور دھان کی پیداوار اور اس کی محفوظ ذخیرہ اندوزی نے بہت متاثر کیا ہے۔ آپ نے کمیٹیوں کے پیداواری مراکز میں دھان کے محفوظ رکھ رکھاؤ کے لئے پلیٹ فارم کی تعمیر کا جو کام شروع کیا ہے، وہ بھی بہت اچھا ہے۔ ڈاکٹر سنگھ نے کہا کہ اتر پردیش کے وزیر اعلی یوگی آدتیہ ناتھ نے بھی ہمارے یہاں کے عوامی تقسیم کے نظام کی کل ایک جلسہ عام میں عوامی طور پر تعریف کی ہے۔

متعلقہ اسٹوریز

ری کمنڈیڈ اسٹوریز