ٹیم انڈیا کی شاندارکارکردگی پرروی شاستری کو ملے گا بڑا تحفہ، آج ہوگا ٹیم انڈیا کے کوچ کا فیصلہ

کپل دیو کی قیادت والی کرکٹ صلاحکار کمیٹی جمعہ کو 6 امیدواروں کا انٹرویو لے گی، جس میں ہندوستان کے چیف کوچ روی شاستری کے علاوہ ٹام موڈی اورمائیک ہیسن بھی شامل ہیں۔

Aug 16, 2019 12:02 AM IST | Updated on: Aug 16, 2019 12:07 AM IST
ٹیم انڈیا کی شاندارکارکردگی پرروی شاستری کو ملے گا بڑا تحفہ، آج ہوگا ٹیم انڈیا کے کوچ کا فیصلہ

روی شاستری کا دوبارہ کوچ بننا تقریباً طے ہے۔

کپل دیو کی قیادت والی کرکٹ صلاحکار کمیٹی جمعہ کو 6 امیدواروں کا انٹرویو لے گی، جس میں ہندوستان کے چیف کوچ روی شاستری کواپنا عہدہ برقراررکھنے کا مضبوط دعویدارمانا جارہا ہے۔  شاستری کے علاوہ تین رکنی کمیٹی کے سامنے جو دیگربڑے نام پیش ہوگے، اس میں آسٹریلیا کے سابق آل راونڈراورسری لنکا کے سابق کوچ ٹام موڈی کے علاوہ نیوزی لینڈ اورکنگس الیون پنجاب کے سابق کوچ مائیک ہیسن، شامل ہیں۔ ہندوستان کی 2007 کی عالمی کپ ٹی -20 جیتنے والی ٹیم کے منیجرلال چند راجپوت، ممبئی انڈینس کے سابق کوچ روبن سنگھ اورویسٹ انڈیزکے فل سمنس بھی دعویداری پیش کررہے ہیں۔ سمنس حال کے وقت تک افغانستان کی قومی ٹیم کے کوچ تھے۔

شاستری کی دعویداری مضبوط

Loading...

روی شاستری کا 2017 میں ہندوستانی ٹیم سے چیف کوچ کے طورپرمنسلک ہونے کے بعد سے ریکارڈ کا فی اچھا رہا ہے۔ اس دوران گزشتہ سال ہندوستان نے آسٹریلیائی سرزمین پرپہلی بارٹسٹ سیریزجیتی۔ شاستری کی قیادت میں جولائی 2017 سے ہندوستان نے 21 ٹسٹ میچوں میں سے 13 میچ میں جیت درج کی۔ ٹی -20 بین الاقوامی میں توکارکردگی بہت ہی بہتررہی، جہاں نے ہندوستان نے 36 میچوں میں سے 25 میچوں میں جیت درج کی۔ یک روزہ  میچوں میں بھی ہندوستانی ٹیم 60 میں سے 43  مقابلے جیت کرحاوی رہی۔ ٹیم حالانکہ عالمی کپ 2019 میں ان کی قیادت میں سیمی فائنل سے آگے بڑھنے میں ناکام رہی۔

کیریبیائی سرزمین پرحالانکہ ٹی -20 اوریک روزہ بین الاقوامی میچوں میں ہندوستان کا دبدبہ ظاہرکرتا ہے کہ ٹیم انڈیا بیشترچیزوں میں ٹھیک کررہی ہے۔ کپتان وراٹ کوہلی کی عوامی حمایت کے بعد اگرروی شاستری کو 2021 میں ہندوستان میں ہونے والے ٹی -20 عالمی کپ کے لئے دوبارہ ذمہ داری ملتی ہے توزیادہ حیرانی نہیں ہوگی۔

روی شاستری کو وراٹ کوہلی کی بھی حمایت حاصل ہے۔ روی شاستری کو وراٹ کوہلی کی بھی حمایت حاصل ہے۔

اسکوائپ سے ہوگا انٹرویو

روی شاستری کے اسکوائپ کے ذریعہ انٹرویودینے کی امید ہے جبکہ راجپوت، ہیسن اورروبن سنگھ ذاتی طورپرپینل کے سامنے پیش ہوں گے۔ پینل کے دودیگرارکان خواتین ٹیم کی سابق کپتان شانتا رنگاسوامی اورسابق سلامی بلے باز انشمان گائکواڑ ہیں۔ ہندوستان کے لئے 80 ٹسٹ اور150 ونڈے کھیلنے والے روی شاستری کا معاہدہ انگلینڈ میں کھیلے گئے عالمی کپ تک تھا، لیکن اس میں 45 دن کی توسیع کرکے ویسٹ انڈیز دورے کے آخرتک بڑھا دیا گیا۔

 

Loading...