supreme court said bcci ombudsman to reconsider quantum of punishment spot fixing sreesanth– News18 Urdu

سری سنت کوسزا دینے کا ذمہ سپریم کورٹ نےبی سی سی آئی کےلوکپال کوسونپ دیا، یہ ہے وجہ

جسٹس اشوک بھوشن اورجسٹس کے ایس جوسف کی بینچ نے بی سی سی آئی کے ذریعہ دائرکی گئی عرضی کی سماعت کرتے ہوئے بورڈ کے لوکپال کو سزا طے کرنے کےلئے تین ماہ کا وقت دیا۔

Apr 05, 2019 08:38 PM IST | Updated on: Apr 05, 2019 08:38 PM IST

سپریم کورٹ نے جمعہ کو کہا ہے کہ بی سی سی آئی کے لوکپال جج (ریٹائرڈ) ڈی کے جین آئی پی ایل 2013 اسپاٹ فکسنگ معاملے میں کرکٹرایس سری سنت کی سزا پرفیصلہ کریں۔ آپ کو بتادیں کہ سری سنت پرآئی پی ایل 2013 میں اسپاٹ فکسنگ کے معاملے میں تا عمر پابندی عائد کی تھی، جسے گزشتہ ماہ عدالت نے ہٹا دیا تھا اوراب بی سی سی آئی سے ان کی (سری سنت) سزا پراز سرنوغورکرنےکوکہا ہے۔

بہرحال جسٹس اشوک بھوشن اورجسٹس کے ایس جوسف کی بینچ نے بی سی سی آئی کے ذریعہ دائرکی گئی عرضی کی سماعت کرتے ہوئے بورڈ کے لوکپال کو سزا طےکرنےکے لئےتین ماہ کا وقت دیا۔ ویسےاس معاملے میں بی سی سی آئی نےاپنی دلیل میں کہا تھا کہ سری سنت کوسزا دینے والی انتظامی کمیٹی اب وجود میں نہیں ہے، ایسے میں یہ معاملہ لوکپال کے پاس جانا چاہئے۔

سری سنت کوسزا دینے کا ذمہ سپریم کورٹ نےبی سی سی آئی کےلوکپال کوسونپ دیا، یہ ہے وجہ

ایس سری سنت

Loading...

جبکہ سپریم کورٹ نےکہا تھا کہ اس کا فیصلہ سری سنت کےخلاف دہلی ہائی کورٹ میں چل رہی کارروائی کومتاثرنہیں کرے گا۔ بہرحال ٹرائل کورٹ نےسری سنت پرسےآئی پی ایل اسپاٹ فکسنگ کےسبھی الزامات مسترد کردیئےتھے، لہٰذا دہلی پولیس معاملےکوسپریم کورٹ لےگئی تھی۔

Loading...