عصمت دری متاثرہ کا اسقاط حمل کرنے کے سبب کانگریس کی خاتون لیڈر گرفتار– News18 Urdu

عصمت دری متاثرہ کا اسقاط حمل کرنے کے سبب کانگریس کی خاتون لیڈر گرفتار

ممبئی پولیس ملزم سروج کشیپ کو اپنے ساتھ ممبئی لے گئی ہے۔ الزام ہے کہ خاتون لیڈرنے کچھ ماہ قبل اسقاط حمل کیا تھا۔

Sep 03, 2018 12:09 PM IST | Updated on: Sep 03, 2018 01:15 PM IST

عصمت دری متاثرہ کا اسقاط حمل کرنے میں خاتون کانگریس کی ضلع صدر سروج کشیپ دھریا کو ممبئی پولیس نے پرتاپ گڑھ سے گرفتار کیا ہے۔ ممبئی پولیس ملزم سروج کشیپ کو اپنے ساتھ ممبئی لے گئی ہے۔ الزام ہے کہ خاتون لیڈرنے کچھ ماہ قبل اسقاط حمل کیا تھا۔ ملزم کے گرفت میں آنے کے بعد پولیس نے کانگریس لیڈر کے گھر جاکر اسے گرفتار کر لیا۔

دراصل، مہاراشٹر کے ورار ضلع کے پال گھر کی رہنے والی ایک لڑکی کے ساتھ سبزی بیچنے والے پون دھریا کے بیٹے چھوٹے لال دھریا رہائشی شاہ بری تھانہ  سانگی پور نے  6 ماہ قبل عصمت دری کی تھی۔ پال گھر تھانہ کے سب انسپیکٹر چندرکانت پاٹل نے بتایا کہ لڑکی کو ورغلا کر پون اس کے ساتھ جنسی تعلقات بناتا رہا۔

عصمت دری متاثرہ کا اسقاط حمل کرنے کے سبب کانگریس کی خاتون لیڈر گرفتار

علامتی تصویر

دو ماہ قبل لڑکی حاملہ ہو گئی۔ آپ کو بتا دیں کہ لڑکی بھی پرتاپ گڑھ ضلع کی ہی رہنے والی ہے، ملزم پون کچھ ماہ قبل خاندان کے اراکین کو ورغلا کر اسے اپنے ساتھ یہاں لے آیا۔ وہ اسے 363 کٹرا روڈ کانپور میں رہنے والی کانگریس لیڈر سروج کشیپ دھریا  کی بیوی رام کمار دھریا کے پاس لے گیا۔ جہاں سروج دھریا نے عصمت دری متاثرہ کا اسقاط حمل کر دیا۔ بتا دیں کہ سروج جھولا چھاپ ڈاکٹر ہے اور اپنی کلینک بھی چلاتی ہے۔

اسقاط حمل کے بعد لڑکی کی صحت خراب ہوئی جس کے سبب لڑکی کے خاندان والوں کو شک ہوا۔ اہل خانہ کی پوچھ گچھ کے بعد اس نے آپ بیتی سنائی۔ متاثرہ لڑکی کے والد نے پالگھر تھانہ میں ملزم پون کے خلاف عصمت دری اور اسقاط حمل کرانے کا مقدمہ درج کرایا۔

 

Loading...