uttar pradesh barabanki rape attempt with woman constable after she opposes obscene song playing in roadways bus فحش گانا بجانے سے روکا تو چلتی بس میں خاتون کانسٹیبل کی آبروریزی کی کوشش ، مار پیٹ کی دھمکی– News18 Urdu

فحش گانا بجانے سے روکا تو چلتی بس میں خاتون کانسٹیبل کی آبروریزی کی کوشش ، مار پیٹ کی دھمکی

یہ پورا معاملہ اترپردیش کے بارہ بنکی ضلع میں پیش آیا ہے ۔

Oct 03, 2018 05:57 PM IST | Updated on: Oct 03, 2018 06:11 PM IST

روڈ ویز بس میں فحش گانا بجانے کی مخالفت کرنا خاتون کانسٹیبل کیلئے بڑی مصیبت کا سبب  بن گیا ۔ سفر کرتے وقت جب خاتون کانسٹیبل نے اس کیلئے منع کیا ، تو ڈرائیور اورکنڈکٹر اس کے ساتھ چھیڑ خانی کرنے لگے۔ یہ دیکھتے ہی بس میں سوار دیگر مسافروں اور خاتون کانسٹیبل نے شور مچایا ۔ خاتون کانسٹیبل کی ہمت اور دیگر مسافروں کی مخالفت کی وجہ سے ایک بڑی واردات ہونے سے بچ گئی ۔

یہ پورا معاملہ اترپردیش کے بارہ بنکی ضلع میں پیش آیا ہے ۔ کانسٹیبل ایک دن کی چھٹی لے کر سادے کپڑے میں اپنے گھر لکھنو جارہی تھی ۔ خاتون کانسٹیبل کے مطابق وہ جس بس سے بارہ بنکی جارہی تھی ، اس کا ڈرائیور فحش گانے تیز آواز میں بجا رہا تھا ۔ جب اس نے اس کی مخالفت کی ، تو ڈرائیور کے ساتھ ساتھ بس کنڈکٹر اور دوسرے ڈرائیور نے اس کے ساتھ فحش حرکتیں شروع کردیں ۔ خاتون کانسٹیبل نے بتایا کہ تینوں نے اس کی عزت لوٹنے کی بھی کوشش کی اور مخالفت کرنے پر مار پیٹ کی دھمکی دی ۔ خاتون کانسٹیبل کو مصیبت میں دیکھ کر جب بس پر سوار دیگر مسافروں نے اس کی مخالفت کی تو ان لوگوں ے مسافروں کو بھی مارنے کی دھمکی دی۔

فحش گانا بجانے سے روکا تو چلتی بس میں خاتون کانسٹیبل کی آبروریزی کی کوشش ، مار پیٹ کی دھمکی

علامتی تصویر

Loading...

تینوں کی خراب نیت دیکھ کر کانسٹیبل اور بس کے دیگرمسافروں نے شور مچانا شروع کردیا ، جس کے بعد ڈرائیور نے بس کو تیز رفتار سے چلا کر پلٹانے کی دھمکی دی ۔ کسی طرح خاتون بس سے اتر کر کوتوالی پہنچی اور اپنی آپ بیتی بتائی ۔ پولیس نے کانسٹیبل کی تحریر پر بس ڈرائیور ، کنڈکٹر اور دوسرے ڈرائیور کے خلاف رپورٹ درج کرلی ہے ۔ بس کو ضبط کرکے دونوں ملزم ڈرائیوروں کو گرفتار کرکے جیل بھیج دیا گیا ہے ۔ فرار بس کنڈکٹر کی تلاش شروع کردی گئی ہے ۔

انیرودھ شکلا کی رپورٹ

یہ بھی پڑھیں : خاتون نے خاتون پر لگایا ریپ کا الزام ، لیکن پولیس نہیں کر پا رہی کیس درج

 

Loading...