دلیپ کمارکی حالت میں مزید بہتری ،اکشے کمارکی نیک خواہشات

Aug 08, 2017 12:05 AM IST | Updated on: Aug 08, 2017 12:05 AM IST

ممبئی: فلم اداکاراورشنہشاہ جذبات دلیپ کمارکی حالت میںآج مزیدبہتری آئی ہے اورامکان ہے کہ انہیں دوچارروز میں اسپتال سے رخصت کردیاجائے،وہ پانچ روزسے زیرعلاج ہیں اورگلوکارہ لتامنگیشکرکے بعداداکاراکشے کمارنے ان کی جلدصحتیابی کے لئے نیک خواہشات کاپیغام روانہ کیاہے۔ اکشے کمارنے مزیدکہاکہ ان کی دعاء میں روزانہ دلیپ صاحب کاذکررہتاہے۔

گزشتہ روزدلیپ کمار کی طبیعت کے بارے میں افواہوں کے بعد یہ خوش آئند خبر موصول ہوئی تھی کہ بزرگ اداکار روبصحت ہیں اور ان کی طبیعت میں بہتری کے آثار نظر آرہے ہیں۔ دلیپ کمار کی حالت میں سدھار ہورہا ہے۔ دلیپ صاحب ایک عرصہ سے ضعیف العمری کا شکار ہیں اور چند سال میں ان کی طبیعت کئی مرتبہ ناساز ہوئی ہے اور انہیں اسپتال داخل کیا گیا ہے، حال میں پیشاب میں تکلیف کے نتیجے میں انہیں اسپتال میں داخل کیا گیا، لیکن یہ اچھی خبر آرہی ہے کہ شہنشاہ جذبات کی حالت بہتر ہورہی ہے۔

دلیپ کمارکی حالت میں مزید بہتری ،اکشے کمارکی نیک خواہشات

file photo

واضح رہے کہ 94 سالہ دلیپ کمار کو بدھ کو لیلاوتی اسپتال میں داخل کیا گیا، جنہوں نے 1944 میں فلم جوار بھاٹا سے فلمی کیرئیر کی شروعات کی اور 1998میں قلعہ نامی فلم میں آخری بار نظر آئے۔مغل اعظم، دیدار، مدھومتی، دیوداس، نیا دور، گنگاجمنااور پھر 1970کی دہائی میں بیراگ، گوپی اور سگینہ میں انہوں نے یادگار رول کئے۔اور منوج کمار کی فلم کرانتی سے کریکٹررول اختیار کرلیا اورشکتی میں امیتابھ بچن کے مقابلہ انہیں فلم فیئر کا بہترین اداکار کا ایوارڈ دیا گیا۔راجیہ سبھا کے ممبر رہنے کے ساتھ ساتھ انہیں پدم شری اور پدم وبھوشن سے نوازاگیا۔پاکستان نے بھی انہیں نشان امتیاز سے نوازا تھا۔ان کی اداکارہ بیوی سائرہ بانو ان کی دیکھ بھا کررہی ہیں اور انہوں نے بھی امید ظاہر کی دلیپ صحب جلد صحت یاب ہوکر گھر واپس آجائیں گے۔

متعلقہ اسٹوریز

ری کمنڈیڈ اسٹوریز