بہار کے سابق وزیر شمائل نبی کا مودی حکومت کو تین طلاق بل پیش نہ کرنے کا مشورہ

آل انڈیا مسلم کانفرنس کے صدر اور بہار کے سابق وزیر شمائل نبی نے کہا ہے کہ آل انڈیا مسلم پرسنل لا بورڈ کے فیصلے کے پیش نظر مرکزی حکومت کو طلاق ثلاثہ سے متعلق کوئی بل پارلیمنٹ کے جاری اجلاس میں پیش نہیں کر نا چاہئے۔

Dec 25, 2017 08:44 PM IST | Updated on: Dec 25, 2017 08:44 PM IST

پٹنہ : آل انڈیا مسلم کانفرنس کے صدر اور بہار کے سابق وزیر شمائل نبی نے کہا ہے کہ آل انڈیا مسلم پرسنل لا بورڈ کے فیصلے کے پیش نظر مرکزی حکومت کو طلاق ثلاثہ سے متعلق کوئی بل پارلیمنٹ کے جاری اجلاس میں پیش نہیں کر نا چاہئے۔ انہوں نے کہا کہ حکومت کو چاہئے کہ وہ اس معاملے کی حساس نوعیت کا پاس رکھے اورجاری سرمائی پارلیمانی اجلاس میں تین طلاق کے معاملے پر وہ جوبل پیش کرنا چاہتی ہے اُسے مسلم پرسنل لا بورڈ کے فیصلے کو دیکھتے ہوئے پیش نہ کرے۔

واضح رہے کہ مرکزی حکومت پارلیمنٹ کے اسی سیشن میں تین طلاق سے متعلق بل لوک سبھا میں لانا چاہتی ہے۔ مسٹر شمائل نبی نے کہا کہ مرکزی حکومت کو پرسنل لا بورڈ کے فیصلے کو تسلیم کرناچاہیے۔ یہ مسلمانوں کے شرعی قانون کا مسئلہ ہے۔ اس لئے اس میں کسی طرح کی مداخلت نامناسب ہوگی ۔ مسلم پرسنل لا بورڈ نے بھی صاف طور پر کہہ دیا ہے کہ تین طلاق کے معاملے پر جو بل سرکار پیش کر نا چاہتی ہے، بورڈ اس کے خلاف ہے۔

بہار کے سابق وزیر شمائل نبی کا مودی حکومت کو تین طلاق بل پیش نہ کرنے کا مشورہ

انہوں نے کہا کہ متعلقہ بل ملک کے رہنے والے لوگوں کی ایک بڑی آبادی کو منظور نہیں ہے اس لئے سرکار کو یہ بل پیش نہیں کرنا چایئے۔مسٹر شمائل نبی کی مرکزی حکومت سے اپیل کی کہ وہ معاملہ کی سنگینی اور اس کی حس نوعیت کو سمجھنے کی کوشش کرے اور اپنے ارادے پر دوبارہ غور کرتے ہوئے بل پیش نہ کرے۔

Loading...

Loading...

متعلقہ اسٹوریز

ری کمنڈیڈ اسٹوریز