بی جے پی کے خلاف متحد ہونا ہر ایک کی اجتماعی ذمہ داری: لالو پرساد یادو

Apr 03, 2017 12:07 PM IST | Updated on: Apr 03, 2017 12:07 PM IST

پٹنہ۔ آر جے ڈی کے صدر لالو پرساد یادو نے ایک بار پھر کہا ہے کہ بی جے پی کے خلاف تمام جماعتوں کو متحد ہونا ہوگا اور یہ سب کی اجتماعی ذمہ داری ہے۔ پیر کو لالو نے کہا کہ بی جے پی اور آر ایس ایس ملک میں ریزرویشن کو ختم کرنا چاہتی ہے اس کے لیے وہ نئے نئے کمیشن کا التزام لا رہی ہیں۔ بی جے پی کے لوگ ریزرویشن چھیننا چاہتے ہیں لیکن ہم کسی بھی حالت میں ایسا ہونے نہیں دیں گے۔

لالو نے پرشانت بھوشن اور ساکشی مہاراج کے بیانات کی بھی مذمت کی اور کہا کہ ملک میں آزادی کا مطلب یہ ہو گیا ہے کہ جس کے بارے میں جو جی آئے کہہ دو۔ لوگ خدا کے نام اور ان کی آڑ میں سیاست کر رہے ہیں تو انكو کچھ بولنے میں بھی گریز نہیں ۔

بی جے پی کے خلاف متحد ہونا ہر ایک کی اجتماعی ذمہ داری: لالو پرساد یادو

آر جے ڈی صدر نے پرشانت بھوشن کے بھگوان کرشن پر متنازعہ بیان کی مذمت کرتے ہوئے کہا کہ اس ملک میں سب لوگ جو جی میں آتا ہے بولتے ہیں۔ لوگ خدا سے لے کر گاندھی جی تک کو نہیں چھوڑتے۔ حالات ایسے ہیں کہ گاندھی اگر آج زندہ ہوتے تو کچھ لوگ انہیں بھی منہ پر ہی بول جاتے۔

متعلقہ اسٹوریز

ری کمنڈیڈ اسٹوریز