لالو یادو کا پھر بی جے پی پر تیکھا نشانہ ، کہاں ہے وکاسوا، کوئی ڈھونڈ کر لاؤ رے

Dec 07, 2017 03:08 PM IST | Updated on: Dec 07, 2017 03:09 PM IST

پٹنہ: گجرات اسمبلی انتخابات سے قبل پہلےمرحلہ کی پولنگ کے لئے آج شام انتخابی مہم کے تھمنے سے کچھ گھنٹے پہلے راشٹریہ جنتا دل (آر جے ڈی) کے صدر لالو پرساد یادو نے حکمران بھارتیہ جنتا پارٹی (بی جے پی) کے ’ترقی ماڈل‘ پر ایک بار پھر طنز کیا ہے۔ مسٹر یادو نے مائیکرو بلاگنگ سائٹ ٹوئٹر کے ذریعہ اپنے معروف ا سٹائل میں بی جے پی اور بالواسطہ طورپر وزیر اعظم نریندر مودی کے ترقی کے دعوؤں پر سوال کھڑے کرتے ہوئے لکھا-’’کہاں ہے وکاسوا، کوئی ڈھونڈ کر لاؤ رے‘‘۔

ایک اور ٹویٹ میں راشٹریہ جنتا دل سپريمو نے کہا-’’بہار چناؤ میں ای لوگ گائے اور پاکستان کو کھوج کر لائے تھے اور اب گجرات میں 800-900 سال پہلے کے گڑے مردوں کو۔ مطلب حالات وہی ہے اور حال بھی وہی ہونے والا ہے‘‘۔

لالو یادو کا پھر بی جے پی پر تیکھا نشانہ ، کہاں ہے وکاسوا، کوئی ڈھونڈ کر لاؤ رے

قابل ذکر ہے کہ گزشتہ بہار اسمبلی انتخابات میں بی جے پی کو اس وقت آر جے ڈی، کانگریس اور جنتا دل متحد (جے ڈی یو) کے مهاگٹھ بندھن سے کراری شکست کا سامنا کرنا پڑا تھا۔ تاہم کچھ عرصہ بعد ہی وزیر اعلی نتیش کمار نے مهاگٹھ بندھن سے اپنی پارٹی کو الگ کرتے ہوئے ریاست میں ایک بار پھر بی جے پی کے ساتھ مل کر حکومت بنا لی ہے۔

متعلقہ اسٹوریز

ری کمنڈیڈ اسٹوریز