موب لنچنگ: نوجوان کا پیٹ پیٹ کرقتل، نہ توپولیس میں شکایت اور نہ ہی کوئی کارروائی!۔

سیتامڑھی شہرسے بہن کا علاج کرانے کے بعد واپس لوٹ رہے نوجوان کو چوری کے الزام میں مارڈالا گیا ہے۔

Sep 11, 2018 01:21 PM IST | Updated on: Sep 11, 2018 01:21 PM IST

بہارمیں ایک بار پھربھیڑکا 'خونی' چہرہ نظرآیا ہے۔ سیتامڑھی میں بھیڑنے ایک شخص کی چوری کے الزام میں پیٹ پیٹ کرقتل کردیا۔ سیتامڑھی کے سہیارا تھانہ کے سنگرہیا گاوں کے باشندہ روپیش کو چوری کے الزام میں مقامی لوگوں نے پکڑا اورپھرپیٹ پیٹ کرنیم مردہ کردیا۔ جس شخص کا قتل کیا گیا ہے، وہ سیتامڑھی شہرسے بہن کا علاج کرانے کے بعد واپس لوٹ رہا تھا۔

اس دوران بھیڑنے اسے ریگا تھانہ کے رمنگرا کے کشن پورموڑکے پاس پکڑ لیا۔ واقعہ علی الصبح چاربجے کا ہے۔ جانکاری کے مطابق لوگوں نے چوری کے الزام میں اس کی پٹائی کی۔ پٹائی سے زخمی ہوئے شخص کوعلاج کے لئے پٹنہ کے پی ایم سی ایچ میں بھیجا گیا، جہاں علاج کے دوران اس کی موت ہوگئی۔

موب لنچنگ: نوجوان کا پیٹ پیٹ کرقتل، نہ توپولیس میں شکایت اور نہ ہی کوئی کارروائی!۔

متاثرہ نوجوان

Loading...

اس معاملے کو لے کراب تک پولیس نے نہ تو کوئی کارروائی کی ہے اور نہ ہی ہلاک ہونے والے شخص کے اہل خانہ نے ہی کوئی شکایت درج کرائی ہے۔  حال کے دنوں میں بہار میں موب لنچنگ کا یہ تیسرا واقعہ ہے، جب بھیڑ نے قانون اپنے ہاتھ میں لیتے ہوئے کسی کا پیٹ پیٹ کرقتل کردیا ہے۔

یہ بھی پڑھیں:   ہجومی تشدد پر سپریم کورٹ نے پھر تشویش کا اظہار کیا، ریاستی حکومتوں سے اسٹیٹس رپورٹ طلب

اس سے قبل 7 ستمبرکوبیگو سرائے میں بھیڑ نے تین لوگوں کواغوا کے شک میں پیٹ پیٹ کرکے مار ڈالا تھا۔ وہیں 8 ستمبر کو ساسا رام میں معمولی تنازعہ میں ایک خاتون کو اسی طرح بھیڑ نے مارڈالا تھا۔ اس طرح سے بہار میں ایک ہفتہ کے اندر موب لنچنگ کا یہ تیسرا واقعہ رونما ہوا ہے۔

یہ بھی پڑھیں:   موب لنچنگ اور مسلمانوں کے قتل عام سے نہیں ملے گی جیت: اسد الدین اویسی

یہ بھی پڑھیں:  مودی حکومت "ماسوکا" کے ذریعہ موب لنچنگ سے نمٹنے کی کررہی ہے تیاری

Loading...

متعلقہ اسٹوریز

ری کمنڈیڈ اسٹوریز