Live Results Assembly Elections 2018

کولکاتہ کے معروف کالجوں میں او بی سی کوٹہ کے تحت مسلم طلبہ داخلہ سے محروم ، ریاستی اقلیتی کمیشن نے بتایا حیران کن

تعلیمی طور پر مسلمانوں کو آگے لانے کے لئے حکومت نے تعلیمی اداروں میں دس فیصد او بی سی ریزرویشن کا اعلان تو کیا ، لیکن کالج انتظامیہ اس اعلان کو تسلیم کرنے پر رضامند نہیں ہے ۔

Jul 28, 2017 05:43 PM IST | Updated on: Jul 28, 2017 05:46 PM IST

کولکاتہ: تعلیمی طور پر مسلمانوں کو آگے لانے کے لئے حکومت نے تعلیمی اداروں میں دس فیصد او بی سی ریزرویشن کا اعلان تو کیا ، لیکن کالج انتظامیہ اس اعلان کو تسلیم کرنے پر رضامند نہیں ہے ۔ کولکاتہ کے معروف کالجوں میں او بی سی کے تحت مسلم طلبہ کو داخلہ نہیں دیا جارہاہے ۔ ریاستی اقلیتی کمیشن نے بھی حالات کو حیران کن بتایا ہے ۔

اقلیتی کمیشن کے ابو عیش منڈل کے مطابق کولکاتہ میں مسلم طبقہ تعلیمی طور پر پسماندہ ہے ۔ معروف کالجوں میں میرٹ کی بنیاد پر ہونے والے داخلے کی وجہ سے اردو و ہندی میڈیم کے طلبہ کو مایوسی کا سامنا کرنا پڑتا تھا ۔ حکومت نے بھی اسے اہم مسئلہ بتاتے ہوئے دس فیصد او بی سی ریزرویشن کا اعلان کیا تھا ، لیکن اس سال مختلف کالجوں میں ہوئے داخلے میں مسلم طلبہ کی تعداد مایوس کن رہی ۔ بیشتر کالجوں کے فیزکس و کیمسٹری شعبے میں صرف ایک یا دو مسلم امیدواروں کو ہی داخلہ ملا ہے ۔ ریاستی اقلیتی کمیشن نے کالج انتظامیہ کے رویے کو افسوسناک بتاتے ہوئے اس معاملے پر محکمہ تعلیم سے جواب مانگنے کا فیصلہ کیا ہے ۔ وہیں اس معاملے میں کالج انتظامیہ نے کچھ کہنے سے انکار کردیا۔

کولکاتہ کے معروف کالجوں میں او بی سی کوٹہ کے تحت مسلم طلبہ داخلہ سے محروم ، ریاستی اقلیتی کمیشن نے بتایا حیران کن

کولکاتہ کے لیڈی برابورن بیتھون جیسے اہم کالج تو اقلیتی طلبہ کو داخلہ ہی نہیں دینا چاہتے ہیں ۔ جو 80 سےزیادہ فیصد مارکس لا ئے ہیں ، انہیں بھی داخلہ نہیں مل رہا ہے ، جبکہ حکومت نے تعلیمی اداروں میں دس فیصد او بی سی ریزرویشن کا اعلان کیا ہے ۔ مسلم او بی سی اے کٹیگری میں آتے ہیں۔ تفتیش پر پتہ چلا کے کئی کالجوں میں صرف ایک مسلم طالبہ کو داخلہ ملا ۔ وزیر اعلی کے دس فیصد او بی سی ریزرویشن پر کالج انتظامیہ کا کہنا ہے ہم اسے ابھی نہیں مان سکتے ۔ اگلے دو تین برسوں کے بعد اس پر عمل کیا جائے گا ۔

Loading...

Loading...

متعلقہ اسٹوریز

ری کمنڈیڈ اسٹوریز