بہار : ٹیوشن کیلئے گئی 8 سالہ بچی کو ٹیچر نے بنایا اپنی ہوس کا شکار ، ثبوت مٹانے کیلئے قتل کی بھی کوشش

بہار کے موتیہاری میں آٹھ سالہ طالبہ کی آبروریزی کا معاملہ سامنے آیا ہے ۔ آبروریزی کا الزام کوچنگ چلانے والے پر ہی لگا ہے ، جس کے بعد پولیس نے ملزم کو گرفتار کرلیا ہے۔

Sep 30, 2018 07:48 PM IST | Updated on: Sep 30, 2018 07:49 PM IST

بہار کے موتیہاری میں آٹھ سالہ طالبہ کی آبروریزی کا معاملہ سامنے آیا ہے ۔ آبروریزی کا الزام کوچنگ چلانے والے پر ہی لگا ہے ، جس کے بعد پولیس نے ملزم کو گرفتار کرلیا ہے۔ پولیس نے متاثرہ بچی کو میڈیکل جانچ کیلئے صدر اسپتال بھیج دیا ہے ۔ یہ واقعہ ضلع کے ڈمریا گھاٹ تھانہ حلقہ میں پیش آیا ہے۔

ملزم ٹیچر کا نام پریم پاسوان شاستری ہے ، جو جنوبی حسینی پنچایت کے نوین گاندھی نگر گاوں وارڈ چار کا رہنے والا ہے۔ طالبہ کے والد نے پولیس کو ایک عرضی دے کر بتایا کہ متاثرہ لڑکی مستقل چار بجے ملزم ٹیچر کے یہاں کوچنگ کیلئے جاتی تھی ۔ اسی دوران ملزم ٹیچر نے ہفتہ کی شام پڑھنے آئی طالبہ کی بہلا پھسلا کر آبروریزی کی ۔

بہار : ٹیوشن کیلئے گئی 8 سالہ بچی کو ٹیچر نے بنایا اپنی ہوس کا شکار ، ثبوت مٹانے کیلئے قتل کی بھی کوشش

علامتی تصویر

ملزم نے ثبوت چھپانے کیلئے طالبہ کے قتل کی کوشش بھی کی ، لیکن ناکام ہوگیا ۔ متاثرہ کسی طرح وہاں سے اپنی جان بچاکر گھر پہنچی ۔ ادھر پولیس کے مطابق معاملہ میں کارروائی کی جارہی ہے اور متاثرہ کو میڈیکل کیلئے بھیجنے کے ساتھ ہی ملزم کو گرفتار بھی کرلیا گیا ہے۔

Loading...

Loading...

متعلقہ اسٹوریز

ری کمنڈیڈ اسٹوریز