hajj 2018 going to start from sunday millions of hajj pilgrims across the world reaches makkah– News18 Urdu

اتوار سے شروع ہونے جا رہا حج، دنیا بھر سے لاکھوں عازمین حج پہنچے مکہ

سعودی عرب میں سالانہ حج کا آغاز اتوار یعنی کل سے ہونے جا رہا ہے اور اس کے لئے پوری دنیا سے 20 لاکھ سے زائد عازمین حج یہاں پہنچ چکے ہیں۔

Aug 18, 2018 05:34 PM IST | Updated on: Aug 18, 2018 05:34 PM IST

سعودی عرب میں سالانہ حج کا آغاز اتوار یعنی کل سے ہونے جا رہا ہے اور اس کے لئے پوری دنیا سے 20 لاکھ سے زائد عازمین حج یہاں پہنچ چکے ہیں۔ دنیا بھر سے اب تک 20 لاکھ افراد حج کے لئے مکہ پہنچ گئے ہیں۔

مصر سے آنے والے عماد عبدالرحیم نے بتایا، " حج کرنے کے اس احساس کو میں الفاظ میں بیان نہیں کر سکتا۔" انہوں نے کہا، 'میں تمام مسلم ملکوں کے لئے، فلسطین اور برما میں رہنے والوں کے لئے، افغانستان اور ہندوستان میں رہنے والوں کے لئے دعا کرنا چاہتا ہوں۔'

اتوار سے شروع ہونے جا رہا حج، دنیا بھر سے لاکھوں عازمین حج پہنچے مکہ

فائل فوٹو۔

Loading...

مکہ پہنچ رہے مختلف ملکوں کے عازمین الگ الگ شناخت کے لئے مختلف رنگ کے کپڑے پہنے ہوئے ہوتے ہیں۔ یہاں وہ ہزاروں کی تعداد میں خانہ کعبہ کا طواف کرتے ہوئے دیکھے جا سکتے ہیں۔ کعبہ پر پہلی نظر پڑتے ہی  وہ رو رو کر، گڑگڑا کر اس کے سامنے دست بدعا ہوتے ہیں، اپنی عجز و انکساری کا اظہار کرتے ہیں، اللہ کی بڑائی بیان کرتے ہیں اور اپنے لئے، اپنے اقربا کے لئے اور تمام مسلمانوں کی مغفرت کے لئے دعا مانگتے ہیں۔

Loading...