Live Results Assembly Elections 2018

مسجد نبوی میں دہشت گردی کا مرتکب شدت پسند پولیس کارروائی میں مار گرایا گیا

سعودی عرب کی وزارت داخلہ نے ایک بیان میں بتایا ہے کہ پچھلے سال مسجد نبوی کے قریب دہشت گردی کی ایک کارروائی میں ملوث شدت پسند کو ریاض میں الیاسمین کالونی میں ایک کارروائی کےدوران ہلاک کردیا گیا ہے

Jan 08, 2017 08:52 PM IST | Updated on: Jan 08, 2017 08:52 PM IST

ریاض: سعودی عرب کی وزارت داخلہ نے ایک بیان میں بتایا ہے کہ پچھلے سال مسجد نبوی کے قریب دہشت گردی کی ایک کارروائی میں ملوث شدت پسند کو ریاض میں الیاسمین کالونی میں ایک کارروائی کےدوران ہلاک کردیا گیا ہے۔ سعودی وزارت داخلہ کی طرف سے جاری کردہ ایک بیان میں کہا گیا ہے ک پولیس نے دہشت گردوں کے قبضے سے دو دستی بم اور دو خود کش جیکٹیں بھی برآمد کیں جنہیں ناکارہ بنا دیا گیا۔

العربیہ ڈاٹ نیٹ کے مطابق وزارت داخلہ کے مطابق ریاض میں پولیس کے ساتھ جھڑپ میں ہلاک ہونے والا دہشت گرد طایع بن سالم بن یسلم الصیعری بم سازی کا ماہر تھا۔ اس کے علاوہ دہشت گردوں کی تربیت اور خود کش بمبار تیار کرنے میں بھی اسے خاص ملکہ حاصل رہا ہے۔ طائع کے تربیت یافتہ ایک دہشت گرد نے عیسر کے مقام پر واقع ایمرجنسی سروسز کی مسجد میں خود کو دھماکے سے اڑا دیا تھا۔ اس کے علاہ مقتول دہشت گرد نے سلیمان الفقیہ اسپتال اور مسجد نبوی میں بھی دہشت گردی کی کارروائی میں حصہ لیا تھا جس کے نتیجے میں متعدد افراد جاں بحق ہوگئے تھے۔

مسجد نبوی میں دہشت گردی کا مرتکب شدت پسند پولیس کارروائی میں مار گرایا گیا

Loading...

Loading...

متعلقہ اسٹوریز

ری کمنڈیڈ اسٹوریز