اسرائیل : بنجامن نیتن یاہو کے خلاف ہزاروں افراد کا زبردست مظاہرہ ، بدعنوانی کی جانچ کا مطالبہ

Dec 03, 2017 01:12 PM IST | Updated on: Dec 03, 2017 01:13 PM IST

یروشلم: اسرائیل کے وزیر اعظم نیتن یاہو کی مبینہ کرپشن میں ملوث ہونے کی وجہ سے ان کے خلاف اسرائیلی عوام سڑکوں پر نکل آئے۔اسرائیل کے شہر تل ابیب میں 20 ہزار افراد نے اسرائیلی وزیراعظم کے خلاف سڑکوں پر احتجاج کیا۔غیر ملکی خبر رساں ایجنسی کے مطابق عوام کا مطالبہ تھا کہ وزیر اعظم نیتن یاہو کے خلاف شفاف تحقیقات ہونی چاہیے۔جبکہ دوسری جانب اسرائیلی پارلیمنٹ میں کرپشن تحقیقات محدود کرنے کا بل منظور کیا جا رہاہے۔خیال رہے کچھ روز قبل اسرائیلی وزیراعظم پر کرپشن کا الزام لگ چکا ہے جس کی تحقیقات جاری ہے۔

نیتن یاہو پر بدعنوانی کے الزامات کے سبب کل اتنا بڑا بدعنوانی احتجاج کیا گیا۔ نیتن یاہو پر چوتھی مدت کے دوران دو معاملوں میں جانچ چل رہی ہے۔ پہلا معاملہ کسی تاجر سے گفٹ لینے کا ہے اور دوسرا معاملہ ایک اخبار کے مالک سے بہتر کوریج کے لئے ڈیل کو لے کر ہے۔ نیتن یاہو کا کہنا ہے کہ انہوں نے کوئی غلط کام نہیں کیا۔

اسرائیل : بنجامن نیتن یاہو کے خلاف ہزاروں افراد کا زبردست مظاہرہ ، بدعنوانی کی جانچ کا مطالبہ

اسرائیل کے وزیر اعظم بنجامن نیتن یاہو: فائل فوٹو، رائٹرز۔

کل ایک قانونی مسودے کو لے کر احتجاج کیا گیا۔ اس قانونی مسودے کو اگلے ہفتے پارلیمنٹ کی منظوری کی توقع ظاہر کی جا رہی ہے۔ اس کے بعد نیتن یاہو کے دونوں معاملوں میں پولیس کی تحقیقات کے نتائج کو شائع کرنے پر روک لگ جائے گی۔مظاہرین کا کہنا ہے کہ یہ قانونی مسودہ نیتن یاہو کو بچانے اور عوام کو تحقیقات سے اندھیرے میں رکھنے کی کوشش ہے۔ وہیں قانونی مسودے کے حامیوں کا کہنا ہے کہ اس سے ملزمان کے حقوق کی حفاظت کا مسئلہ ہے۔

متعلقہ اسٹوریز

ری کمنڈیڈ اسٹوریز