pakistani rupee rates news pakistans currency reaches all time low against us dollar stock market at 17 years low snm پاکستان کو لگا 17 سال کا سب سے بڑا جھٹکا! پیرکو ہوسکتا ہے بڑا اعلان– News18 Urdu

پاکستان کو لگا 17 سال کا سب سے بڑا جھٹکا! پیرکو ہوسکتا ہے بڑا اعلان

پاکستان کی اس حالت کو دیکھ کر کئی معیشت سال 2008 کی مندی کی کا موازنہ اس موجودہ وقت سے کرنے لگے ہیں۔ ان کا ماننا ہے کہ اگلے کچھ مہینوں میں مہنگائی 10 فیصدی کے پار پہنچ سکتی ہے۔

May 18, 2019 07:31 PM IST | Updated on: May 18, 2019 07:37 PM IST

پاکستان میں عام لوگوں کو ایک تو مہنگائی پریشان کر رہی ہے وہیں دوسری جانب روپئے میں آئی گراوٹ سے شیئر بازار میں لگے پیسے پر بھی بھاری نقصان اٹھانا پڑ رہا ہے۔ پاکستان کے شیئر بازار میں 17 سال کی سب سے بڑی گراوٹ درج ہوئی ہے۔ وہیں صرف دو دن میں پاکستان کا روپیہ ایک امریکی ڈالر کے مقابلے 3 روپئے تک کمزور ہوگیا ہے۔ پاکستان کی اس حالت کو دیکھ کر کئی معیشت سال 2008 کی مندی کی کا موازنہ اس موجودہ وقت سے کرنے لگے ہیں۔ ان کا ماننا ہے کہ اگلے کچھ مہینوں میں مہنگائی 10 فیصدی کے پار پہنچ سکتی ہے۔ حالانکہ پیر کو پاکستان کا سینٹرل بینک اقتصادی حالات کو لیکر بڑے قدم اٹھانے کی تیاری میں ہے۔ مانا جارہا ہے کہ سود شرح کا فیصلہ ہوگا۔ ساتھ ہی روپئے کو سنبھالنے کیلئے کئی اہم اور بڑے فیصلے ہو سکتے ہیں۔

بلوم برگ نے پاکستانی روپے کو ایشیا کی بدترین کرنسی قرار دے دیا۔ پاکستانی کرنسی افغانستان، بنگلہ دیش اور نیپال سے بھی کمزور ہو چکی ہے ۔ ہندوستان ،بھوٹان ، تھائی لینڈاور ساؤتھ افریقہ کی کرنسی بھی پاکستان سے بہتر ہے۔ معروف ایجنسی بلوم برگ نے روپے کی قدر کے حوالے سے تازہ ترین رپورٹ جاری کی ہے جس میں روپے کو گزشتہ 8 ماہ کے دوران کارکردگی کے لحاظ سے ایشیاء کی بدترین کرنسی قرار دیا۔

پاکستان کو لگا 17 سال کا سب سے بڑا جھٹکا! پیرکو ہوسکتا ہے بڑا اعلان

پاکستان کے وزیر اعظم عمران خان کی فائل فوٹو

رپورٹ کے مطابق پاکستان میں ایک ڈالر 149 روپے پر پہنچ گیا ہے ،دیگر ممالک کی کرنسی پاکستان کے مقابلے میں کچھ بہتر ہے۔ ایک ڈالر میں افغانستان کے79افغانی ملتے ہیں جبکہ ہندوستان میں ایک ڈالر کے 70روپے جبکہ بنگلہ دیش میں ایک ڈالر84ٹکے کے برابر ہے،اسی طرح نیپال میں ایک ڈالر112 کا روپے ہے، بھوٹان میں ڈالر 69 گلٹرم میں فروخت ہوتا ہے۔ تھائی لینڈ میں ایک ڈالر کی قیمت 32 بھات کے برابر ہے، ساؤتھ افریقہ میں ایک ڈالر کے14.45رینڈ ملتے ہیں۔

Loading...

ایک سال میں پاکستان کی کرنسی کے حساب سے بدترین مارکیٹوں میں شمارہوتا ہے۔ مئی 2018 سے اب تک روپے کی قدر میں 29 فیصد کمی ہوئی، پہلی اور دوسری نمبر پر سوڈان اور ارجنٹائنا کی کرنسی ہے۔ دونوں ممالک کی کرنسی میں ایک سال کے دوارن 149 فیصد اور 81 فیصد کمی ہوچکی ہے۔پاکستان میں تحریک انصاف کی حکومت نے جب اقتدار سنبھالا تو ڈالر 124 روپے 50 پیسے کا تھا، اس وقت ڈالر انٹر بینک میں 149 روپے میں ہوچکا ہے۔

(نیوز ایجنسی یو این آئی کے ان پٹ کے ساتھ )

Loading...