Arunachal Pradesh s deputy chief minister s banglow burnt by protesters na اروناچل پردیش میں نائب وزیر اعلیٰ کے بنگلے میں مظاہرین نے لگائی آگ– News18 Urdu

اروناچل پردیش میں نائب وزیر اعلیٰ کے بنگلے میں مظاہرین نے لگائی آگ

اروناچل پردیش میں ریاست کے باہر کی چھ برادریوں کو مستقل شہریت ہونے کا سرٹیفیکٹ دینے کے خلاف احتجاج جاری ہے

Feb 24, 2019 04:07 PM IST | Updated on: Feb 24, 2019 04:21 PM IST

اروناچل پردیش میں ریاست کے باہر کی چھ برادریوں کو مستقل شہری ہونے کا سرٹیفیکٹ دینے کے خلاف احتجاج جاری ہے۔ یہاں ماحول کشیدہ بنا ہوا ہے۔ اتوار کو دوپہر تقریبا ایک بجے مشتعل مظاہرین نے نائب وزیر اعلیٰ چونے مین کے بنگلے پر دھاوا بول دیا اور وہاں آگ لگا دی۔

ایٹانگر ضلع انتظامیہ کی رپورٹ کے مطابق، نائب وزیر اعلیٰ کی ایک گاڑی کو بھی مظاہرین نے جلا دیا ہے۔ خبر ہے کہ وزیر اعلیٰ پیما کھانڈو کے گھر کی باہر آئی ٹی بی پی کے جوانوں اور مظاہرین کے درمیان جھڑپ بھی ہوئی۔

اروناچل پردیش میں نائب وزیر اعلیٰ کے بنگلے میں مظاہرین نے لگائی آگ

مشتعل مظاہرین نے نائب وزیر اعلیٰ چونے مین کے بنگلے پر دھاوا بول دیا اور وہاں آگ لگا دی۔

اس درمیان احتجاج کاروں نے ریاست کے ماحولیات اور جنگلات کے وزیر نبام ریبیا کے گھر پر بھی آگ لگا دی۔ نبام ریبیا پی آر سی جوائنٹ پاور ہائی کمیٹی کے چئیرمین بھی ہیں۔ مسلسل بڑھتی کشیدگی کے مدنظر نائب وزیر اعلیٰ چونے مین کو اتوار کی صبح ایٹا نگر سے نامسائی ضلع میں شفٹ کر دیا گیا۔ اس کے علاوہ مظاہرین نے ضلع کمشنر کے گھر پر بھی آگ زنی کی ہے۔

بیجو کمار ڈیکا کی رپورٹ

Loading...