bjp leader oppose of sadhvi pragya sing thakur loksabha seat in bhopal ns– News18 Urdu

سادھوی پرگیہ ٹھاکرکی مخالفت میں بی جے پی کے اندراٹھنےلگی بغاوت کی آواز

اسمبلی انتخابات میں بی جے پی امیدوار رہیں فاطمہ رسول صدیقی نے سادھوی پرگیہ کے لئے انتخابی تشہیرکرنے سے واضح طورپرانکارکردیا ہے۔

Apr 25, 2019 11:19 PM IST | Updated on: Apr 27, 2019 11:03 AM IST

مدھیہ پردیش کی بھوپال سیٹ سے بی جے پی امیدواراوراپنے متنازعہ بیانات کے ذریعہ سرخیوں میں آئی سادھوی پرگیہ ٹھاکرکی مخالفت میں اب بی جے پی کے اندرہی بغاوت کی آوازاٹھنے لگی ہے۔ بھوپال سے بی جے پی ایک خاتون لیڈرنے ان کی کھل کرمخالفت کی ہے اوران کی امیدواری پرسوال اٹھائے ہیں۔

بھوپال شمال سیٹ سے اسمبلی الیکشن میں بی جے پی امیدواررہیں فاطمہ رسول صدیقی نے سادھوی پرگیہ ٹھاکرکےلئے انتخابی تشہیرکرنے سے واضح طورپرانکارکردیا ہے اوران پر بھوپال کی فضا خراب کرنےکا بھی الزام عائد کیا ہے۔ فاطمہ صدیقی کا کہنا ہے کہ بی جے پی نے غلط امیدوارکوبھوپال لوک سیٹ سے اتاردیا ہے۔

سادھوی پرگیہ ٹھاکرکی مخالفت میں بی جے پی کے اندراٹھنےلگی بغاوت کی آواز

سادھوی پرگیہ: فائل فوٹو

اسمبلی انتخابات میں بی جے پی کےلئے بھوپال میں سرخیاں حاصل کرنے والی فاطمہ رسول صدیقی نے سادھوی پرگیہ ٹھاکرکے بیانوں کی تنقید کرتے ہوئےان کی زبان کو بھوپال کی گنگا جمنی تہذیب کے خلاف بتایا ہے۔ ان کا الزام ہے کہ بی جے پی نے غلط امیدوارکا انتخاب کیا۔ انہوں نے یہ بھی کہا کہ بھوپال سے آلوک سنجر، آلوک شرما، وشواس سارنگ یا پھر سریندر ناتھ سنگھ بھی بہترامیدوارہوسکتے تھے۔

دوسری جانب سادھوی پرگیہ سنگھ ٹھاکرنے پھرمتنازعہ بیان دے دیا ہے۔ سیہارے میں اپنی انتخابی مہم کے دوران انہوں نے کانگریس لیڈراورامیدواردگوجے سنگھ کا نام لئے بغیرجم کر تنقید کی۔ پرگیہ ٹھاکرنے کہا کہ ایسے دہشت گردوں کا خاتمہ کرنے کے لئے اوربے روزگاری کو بڑھاوا دینے والے لوگوں کا خاتمہ کرنے کے لئے پھرسے ایک سنیاسی کو کھڑا ہونا پڑے گا۔

سونیا رانا کی رپورٹ