Chief Justice Ranjan Gogoi distances himself from hearing against Nageshwar Rao as interim director of CBI ناگیشور راو کو سی بی آئی کی کمان سونپنے کے خلاف عرضی پر سماعت سے الگ ہوئے سی جے آئی– News18 Urdu

سی بی آئی تنازعہ: رنجن گوگوئی نے ناگیشور راو کی تقرری معاملے کی سماعت سے خود کو الگ کیا

گوگوئی نے کہا کہ وہ سلیکشن کمیٹی کے رکن ہیں، ایسے میں اس معاملہ کی سماعت میں ان کا شامل ہونا مناسب نہیں ہوگا

Jan 21, 2019 01:00 PM IST | Updated on: Jan 21, 2019 01:16 PM IST

چیف جسٹس رنجن گوگوئی نے ناگیشور راو کو سی بی آئی کا عبوری ڈائریکٹر بنائے جانے کے خلاف دائر عرضی کی سماعت سے خود کو الگ کر لیا ہے۔ گوگوئی نے کہا کہ وہ سلیکشن کمیٹی کے رکن ہیں، ایسے میں اس معاملہ کی سماعت میں ان کا شامل ہونا مناسب نہیں ہوگا۔ بتا دیں کہ وزیر اعظم، اپوزیشن کی سب سے بڑی پارٹی کا لیڈر، سی جے آئی یا ان کی طرف سے نامزد عدالت عظمیٰ کا کوئی جج اس بااختیار کمیٹی کا حصہ ہوتے ہیں۔

ناگیشور راو کو سی بی آئی کا عبوری ڈائریکٹر بنائے جانے کے خلاف کامن کاز نامی ایک غیر سرکاری تنظیم نے عرضی داخل کی تھی۔ اس عرضی میں الزام لگایا گیا ہے کہ ناگیشور راو کی تقرری بااختیار سلیکشن کمیٹی کی سفارش کی بنیاد پر نہیں کی گئی ہے۔

سی بی آئی تنازعہ: رنجن گوگوئی نے ناگیشور راو کی تقرری معاملے کی سماعت سے خود کو الگ کیا

چیف جسٹس رنجن گوگوئی کی فائل فوٹو

Loading...

Loading...