اورنگ آباد تشدد: بی جے پی لیڈر انل سنگھ نے عدالت میں کی خود سپردگی– News18 Urdu

اورنگ آباد تشدد: بی جے پی لیڈر انل سنگھ نے عدالت میں کی خود سپردگی

اورنگ آباد ۔ بہار کے ضلع اورنگ آباد میں گزشتہ دنوں ہوئے پر تشدد واقعات کے کلیدی ملزم اور بھارتیہ جنتا پارٹی (بی جے پی) لیڈر انل سنگھ نے آج یہاں اورنگ آباد کورٹ میں خودسپردگی کردی ۔

Apr 02, 2018 12:33 PM IST | Updated on: Apr 02, 2018 12:33 PM IST

اورنگ آباد ۔ بہار کے ضلع اورنگ آباد میں گزشتہ دنوں  ہوئے پر تشدد واقعات کے کلیدی ملزم اور بھارتیہ جنتا پارٹی (بی جے پی) لیڈر انل سنگھ نے آج یہاں اورنگ آباد کورٹ میں خودسپردگی کردی ۔ انل سنگھ  پر اورنگ آباد تشدد کے علاوہ پولیس حراست سے فرار ہونے کا بھی الزام ہے۔

اس سے قبل اورنگ آباد پولیس نے انل سنگھ کی رہائش گاہ پر اتوار کو اشتہار چسپاں کر کے انہیں فوری طور پر خود سپردگی کرنے کی تنبیہ کی تھی۔ دریں اثنا اورنگ آباد شہر کے حالات اب آہستہ آہستہ معمول پر آ رہے ہیں ۔

اورنگ آباد تشدد: بی جے پی لیڈر انل سنگھ نے عدالت میں کی خود سپردگی

ملزم انل سنگھ عدالت میں خودسپردگی کرتے ہوئے۔

قابل ذکر ہے کہ رام نومی کے موقع پر نکالی گئی شوبھاياترا کے دوران پرتشدد معاملہ میں پولیس اب تک سو سے زائد افراد کو گرفتار کر چکی ہے۔ معاملہ میں نامزد کئے گئے 148 افراد میں سے انل سنگھ کلیدی ملزمان میں سے ایک ہے۔