ہندو دہشت گرد نہیں ہو سکتا، ہندو مذہب اور ہندوتو میں بہت بڑا فرق ہے: دگ وجے سنگھ– News18 Urdu

ہندو دہشت گرد نہیں ہو سکتا، ہندو مذہب اور ہندوتو میں بہت بڑا فرق ہے: دگ وجے سنگھ

مدھیہ پردیش کے دو بار وزیر اعلیٰ رہے دگ وجے سنگھ نے بی جے پی کے اس الزام کو مسترد کیا ہے کہ انہوں نے ’ ہندو دہشت گردی‘ کا لفظ وضع کیا تھا

Apr 22, 2019 12:08 PM IST | Updated on: Apr 22, 2019 12:08 PM IST

بھوپال لوک سبھا سیٹ سے انتخابی میدان میں اترے سینئر کانگریس لیڈر دگ وجے سنگھ نے کہا ہے کہ ہندو لوگ کبھی دہشت گرد نہیں ہو سکتے ہیں۔ ایک نیوز چینل کو دئیے اپنے انٹرویو میں کانگریس لیڈر نے کہا کہ دہشت گردی ہندو مذہب کی فطرت ہی نہیں ہے۔

مدھیہ پردیش کے دو بار وزیر اعلیٰ رہے دگ وجے سنگھ نے بی جے پی کے اس الزام کو مسترد کیا ہے کہ انہوں نے ’ ہندو دہشت گردی‘ کا لفظ وضع کیا تھا۔ انہوں نے کہا کہ ہندو مذہب اور ہندوتو میں بڑا فرق ہے۔

ہندو دہشت گرد نہیں ہو سکتا، ہندو مذہب اور ہندوتو میں بہت بڑا فرق ہے: دگ وجے سنگھ

کانگریس لیڈر دگ وجے سنگھ: فائل فوٹو

یہ پوچھے جانے پر کہ آپ دہشت گردی پر خاموش کیوں ہیں؟ دگ وجے سنگھ نے جواب دیا کہ ’ ایسا نہیں ہے۔ مجھے لگتا ہے کہ پہلے میں زیادہ باتیں کرتا تھا۔ نرمدا پریکرما کرتے ہوئے چھ مہینے دس دن کی مدت میں میں نے خود کو بدل لیا ہے۔انہوں نے کہا کہ اب میں ضرورت پڑنے پر ہی بولتا ہوں۔