congress mp and milli leader maulana asrarul haq qasmi namaz janazah performed buried in kishanganj bihar– News18 Urdu

معروف ملی وقومی رہنما اوررکن پارلیمنٹ مولانا اسرارالحق قاسمی ہزاروں سوگواروں کی موجودگی میں سپرد خاک

کشن گنج سے کانگریس کے رکن پارلیمنٹ کوسرکردہ لیڈروں اورہزاروں لوگوں کی موجودگی میں ملی گرلس اسکول احاطے میں نمازجنازہ کے بعد ان کے آبائی گاوں ٹپوکے قبرستان میں سپرد خاک کردیا گیا۔ buried

Dec 07, 2018 08:25 PM IST | Updated on: Dec 07, 2018 08:25 PM IST

کشن گنج: کشن گنج سے کانگریس کے رکن پارلیمنٹ اورمعروف قومی وملی رہنما مولانا اسرارالحق قاسمی کو ان کے ہزاروں سوگواروں کی موجودگی میں ان کے آبائی گاوں ٹپو کے قبرستان میں سپرد خاک کردیا گیا۔ مولانا کادیر رات دل کا دورہ پڑنے سے ساڑھے تین بجے کشن گنج کے سرکٹ میں انتقال ہوگیا تھا۔

مولانا اسرارالحق کی نمازجنازہ میں سیمانچل بلکہ سارے ہندوستان سے ہزاروں کی تعداد میں لوگوں نے شرکت کی۔ جن میں ارریہ کے ممبرپارلیمنٹ سرفرازاحمد، بنگال کے وزیرغلام ربانی، ایم ایل اے حاجی سبحان، ایم ایل اے شکیل احمدخان، سابق ایم ایل اے اَخترالایمان سمیت درجن بھرسے زائد ممبران اسمبلی وممبران پارلیمنٹ اوراعلیٰ سرکاری افسران شامل ہیں۔ مولانا کی نمازجنازہ ملی گرلس اسکول کے احاطے میں ادا کی گئی۔

معروف ملی وقومی رہنما اوررکن پارلیمنٹ مولانا اسرارالحق قاسمی ہزاروں سوگواروں کی موجودگی میں سپرد خاک

Loading...

کشن گنج سے رکن پارلیمنٹ و سیاسی و ملی رہنما مولانا اسرارالحق قاسمی دارالعلوم دیوبند کے مجلس شوری کے رکن، علی گڑھ مسلم یونیورسٹی کورٹ کے ممبرتھے۔ ان کی عمر 76 برس کی تھی اور پسماندگان میں تین بیٹے اوردوبیٹیاں ہیں۔ مولاناکے بڑے داماد فیاض عالم نے بتایا کہ مولانا کل رات کسی پروگرام سے واپس آئے تھے اورکشن گنج کے سرکٹ ہاؤس میں ٹھہرے ہوئے تھے۔

مولانا اسرارالحق قاسمی جب رات تین بجے تہجد کی نماز کے لئے اٹھے تو انہیں درد محسوس ہوا۔ انہوں نے سیکورٹی والوں کو بلوایا اور کہا کہ مجھے ڈاکٹر کے پاس لے چلو۔جب انہیں ڈاکٹر کے پاس لے جارہا تھا، انہوں نے کہا میں اللہ کے پاس جارہاہوں۔ مجھ سے کوئی غلطی ہوئی ہوتومعاف کردینا۔ مولانا نے یہ بھی کہا کہ سب لوگ مجھے معاف کردیں اورمیرے لئے مغفرت کی دعا کریں۔

یہ بھی پڑھیں:  مولانا اسرار الحق قاسمی : کشن گنج میں اے ایم یو سینٹر کی تحریک کے قائد، سینکڑوں مدارس کے بھی تھے سرپرست

یہ بھی پڑھیں:  مولانا اسرارا لحق کے انتقال پر نتیش کمار کا رنج و غم کا اظہار ، سرکاری اعزاز کے ساتھ تدفین کا اعلان

یہ بھی پڑھیں:  معروف عالم دین وممبر آف پارلیمنٹ مولانا اسرارالحق قاسمی کا اچانک دل کا دورہ پڑنے سے انتقال

Loading...