cricket kuldeep yadav achieves best career in icc t20i ranking آئی سی سی ٹی 20 رینکنگ میں کلدیپ یادو کی بڑی چھلانگ ، پاکستانی گیند باز شاداب خان کو چھوڑا پیچھے– News18 Urdu

آئی سی سی ٹی 20 رینکنگ میں کلدیپ یادو کی بڑی چھلانگ ، پاکستانی گیند باز شاداب خان کو چھوڑا پیچھے

ہندوستان کے چائنامین گیندباز کلدیپ یادو آئی سی سی ٹوینٹی -20 درجہ بندی میں ایک مقام کی چھلانگ لگا کر دوسرے نمبر پر پہنچ گئے ہیں اور یہ ان کی بہترین رینکنگ ہے۔

Feb 11, 2019 06:45 PM IST | Updated on: Feb 11, 2019 06:45 PM IST

ہندوستان کے چائنامین گیندباز کلدیپ یادو آئی سی سی ٹوینٹی -20 درجہ بندی میں ایک مقام کی چھلانگ لگا کر دوسرے نمبر پر پہنچ گئے ہیں اور یہ ان کی بہترین رینکنگ ہے۔ نیوزی لینڈ کے خلاف آخری ٹوینٹی -20 میچ میں کلدیپ نے 26 رن پر دو وکٹ کی بدولت دوسرے مقام پر چھلانگ لگائی ہے۔ جبکہ شاداب خان ایک درجہ تنزلی کے بعد تیسری پوزیشن پر پہنچ گئے ہیں ۔ انہوں نے آخری میچ میں نیوزی لینڈ کے دونوں سلامی بلے بازوں ٹم سیفرٹ اور کالن منرو کو پویلن بھیجا تھا۔

اس درجہ بندی میں کلدیپ ابھی افغانستان کے لیگ اسپنر راشد خان سے پیچھے ہیں۔ راشد آئی سی سی کی رینکنگ میں چوٹی پر قابض ہیں ۔ کلدیپ کے علاوہ بائیں ہاتھ کے اسپنر كرنال پانڈیا بھی 39 مقام کی لمبی چھلانگ لگا کر کیریئر کے بہترین 58 ویں مقام پر پہنچ گئے ہیں۔

آئی سی سی ٹی 20 رینکنگ میں کلدیپ یادو کی بڑی چھلانگ ، پاکستانی گیند باز شاداب خان کو چھوڑا پیچھے

آئی سی سی ٹی 20 رینکنگ میں کلدیپ یادو کی بڑی

Loading...

ہندوستانی سلامی بلے باز روہت شرما اور شیکھر دھون نے بھی اپنی درجہ بندی کو بہتر کیا ہے۔ روہت تین مقام کی بہتری کے ساتھ ساتویں اور شکھر ایک جگہ کی بہتری کے ساتھ 11 ویں نمبر پر پہنچ گئے ہیں ۔

یہ بھی پڑھیں : ہندوستان اور پاکستان کے درمیان کرکٹ کو لے کر پی سی بی کے نئے مینجنگ ڈائریکٹرکا بڑا بیان ، کہی یہ بات

 

پاکستان کے اسپنر عماد وسیم پانچ مقام کی چھلانگ لگا کر چوتھے نمبر اور نیوزی لینڈ کے مشیل سینٹنر 10 ویں نمبر پر پہنچ گئے ہیں۔ تازہ رینکنگ میں دو دیگر سیریزوں کو بھی شامل کیا گیا ہے جن میں جنوبی افریقہ نے پاکستان کو اور نیپال نے متحدہ عرب امارات کو یکساں دو-ایک کے فرق سے شکست دی تھی۔

یہ بھی پڑھیں : ٹی 20 میں " ٹریپل سنچری " بنانے والے پہلے ہندوستانی کھلاڑی بنے ایم ایس دھونی

 

آئی سی سی کی تازہ ٹوئنٹی -20 رینکنگ میں ہندوستان اپنے دوسرے مقام پر قابض ہے تو وہیں جنوبی افریقہ نے آسٹریلیا اور انگلینڈ کو پیچھے کرتے ہوئے تیسری پوزیشن حاصل کی ہے۔ نیپال اس رینکنگ میں یو اے ای سے آگے نکل کر 14 ویں نمبر پر پہنچ گیا ہے۔

Loading...