جموں و کشمیر کے بارہمولہ میں پتھراو میں سیکورٹی فورسیز کے 47 جوان زخمی ، حالات کشیدہ– News18 Urdu

جموں و کشمیر کے بارہمولہ میں پتھراو میں سیکورٹی فورسیز کے 47 جوان زخمی ، حالات کشیدہ

جموں و کشمیر کے بارہمولہ میں ایک مرتبہ پھر پتھراو کی خبر ہے ۔ یہاں پر مشتعل بھیڑ نے سیکورٹی اہلکاروں پر پتھر سے حملہ کردیا ، جس میں 47 سیکورٹی اہلکاروں کے زخمی ہونے کی خبر ہے ۔

May 13, 2019 06:22 PM IST | Updated on: May 13, 2019 06:22 PM IST

جموں و کشمیر کے بارہمولہ میں ایک مرتبہ پھر پتھراو کی خبر ہے ۔ یہاں پر مشتعل بھیڑ  نے سیکورٹی اہلکاروں پر پتھر سے حملہ کردیا ، جس میں 47 سیکورٹی اہلکاروں کے زخمی ہونے کی خبر ہے ۔ زخمیوں میں اسسٹنٹ کمانڈینٹ بھی شامل ہیں ۔ واقعہ کی اطلاع ملتے ہی پہنچے سیکورٹی فورسیز کے اہلکارون نے پورے علاقہ کو گھیر لیا ہے ۔ بارہمولہ میں حالات کشیدہ بتائے جارہے ہیں ۔

اطلاعات کے مطابق جموں و کشمیر کے بارہمولہ میں گزشتہ کچھ دنوں سے حالات کشیدہ ہیں ۔ معاملہ کی سنگینی کو دیکھتے ہوئے قومی شاہراہ پر سیکورٹی فورسیز کی تعداد بڑھا دی گئی ہے۔ تاہم پیر کی دوپہر اچانک لوگ سڑکوں پر اتر آئے اور انہوں نے سیکورٹی فورسیز پر پتھر پھینکنے شروع کردئے ۔

جموں و کشمیر کے بارہمولہ میں پتھراو میں سیکورٹی فورسیز کے 47 جوان زخمی ، حالات کشیدہ

فائل فوٹو

اس حملے میں 47 سیکورٹی اہلکار زخمی ہوگئے ۔ زخمیوں میں کئی کی حالت نازک بتائی جارہی ہے ۔ سبھی زخمیوں کو نزدیک کے اسپتال میں داخل کرادیا گیا ہے ۔ حالات کی نزاکت کو دیکھتے ہوئے علاقہ میں سیکورٹی اہلکاروں کی تعداد بڑھا دی گئی ہے ۔

Loading...