lok sabha elections 2019 pm modi rally in odisha na خاندان اور پیسوں سے نہیں بی جے پی کارکنوں کے پسینے سے بنی ہے پارٹی: مودی– News18 Urdu

خاندان اور پیسوں سے نہیں بی جے پی کارکنوں کے پسینے سے بنی ہے پارٹی: مودی

وزیر اعظم نے ریلی سے خطاب کرتے ہوئے کہا ’’مجھے بتایا گیا کہ پہلی بار ملک کا کوئی وزیر اعظم سندرگڑھ آیا ہے، مگر آج بھی کوئی وزیر اعظم یہاں نہیں آیا ہے، آج تو اڑیسہ کا پردھان سیوک اپنے مالکوں کا آشیرواد لینے آیا ہے

Apr 06, 2019 05:00 PM IST | Updated on: Apr 06, 2019 05:01 PM IST

وزیر اعظم نریندر مودی نے کنبہ پروری پر حملہ کرتے ہوئے کہا کہ بھارتیہ جنتا پارٹی (بی جے پی) خاندانوں اور پیسوں سے نہیں کارکنوں کے پسینے سے بنی پارٹی ہے۔ بی جے پی کے 39 ویں یوم تاسیس کے موقع پر ہفتہ کو یہاں لوک سبھا اور اسمبلی انتخابات کے لیے بی جے پی امیدواروں کے حق میں پرچار کرنے آئے مودی نے کنبہ پروری اور فنڈز سے بنی پارٹیوں پر حملہ کرتے ہوئے کہا ’’ہم خاندان پر مبنی نہیں ہیں اور نہ ہی ہم لوگ پیسوں پر بنے ہیں۔ بہت سی پارٹیاں پیسوں سے بنی ہیں، لیکن بی جے پی کارکنوں کے پسینے سے بنی پارٹی ہے‘‘۔ انہوں نے کہا کہ بی جے پی ادھار کے آدرشوں سے بنی پارٹی نہیں ہے۔ بی جےپی نے ملک کے لوگوں کے تصورات سے جنم لیا ہے۔

وزیر اعظم نے ریلی سے خطاب کرتے ہوئے کہا ’’مجھے بتایا گیا کہ پہلی بار ملک کا کوئی وزیر اعظم سندرگڑھ آیا ہے، مگر آج بھی کوئی وزیر اعظم یہاں نہیں آیا ہے، آج تو اڑیسہ کا پردھان سیوک اپنے مالکوں کا آشیرواد لینے آیا ہے‘‘۔ انہوں نے کیرالہ اور مغربی بنگال کا ذکر کرتے ہوئے کہا کہ وہاں بی جے پی کے کارکنوں کو ہلاک کیا گیا ہے۔ اس کے باوجود پارٹی کے کارکنوں کے حوصلے گرا نہیں پائے ہیں۔ مودی نے کہا فی الحال بی جے پی دنیا کی سب سے بڑی جمہوری پارٹی ہے۔ ملک کو کانگریس اور اس سے نکلی ہوئی پارٹیوں کے سامنے ایک مضبوط متبادل دینے کا کام بی جے پی نے کیا ہے۔ بی جے پی نوجوان ہندوستان کی پارٹی ہے۔ انہوں نے کہا اس وقت بی جے پی کا پرچم ایسے مقامات پر بھی لہرا رہا ہے جس کے بارے میں پہلے کبھی کوئی تصور بھی نہیں کر سکتا تھا۔

خاندان اور پیسوں سے نہیں بی جے پی کارکنوں کے پسینے سے بنی ہے پارٹی: مودی

وزیر اعظم نریندر مودی

مودی نے کہا ’’آج بی جے پی کی حکومتیں ملک کے چاروں کونوں میں ہیں۔ لوگ بی جے پی سے محبت کرتے ہیں اور وہ ان کے دلوں میں بسی ہوئی ہے۔ بی جے پی سب سے بڑی جمہوری پارٹی ہے اور سماج کے تمام طبقے کے لوگ پارٹی سے جڑ رہے ہیں‘‘۔ انہوں نے بی جے پی کے بانیوں میں ایک سابق وزیر اعظم اٹل بہاری واجپئی کی شاعری کا حوالہ دیتے ہوئے کہا ’’اٹل جی نے کہا تھا اندھیراچھٹے گا، سورج نکلے گا ، کمل كھلےگا۔ آج جب میں اڑیسہ آیا ہوں، تو میں دیکھ رہا ہوں کہ چاہے مرکز ہو یا ریاست یہاں کمل کاکھلنا طے ہے‘‘۔

Loading...