تین طلاق سے متعلق بل 28 دسمبر کو پارلیمنٹ میں کیا جائے گا پیش– News18 Urdu

تین طلاق سے متعلق بل 28 دسمبر کو پارلیمنٹ میں کیا جائے گا پیش

تین طلاق سے متعلق بل جمعرات کو لوک سبھا میں پیش کیا جائے گا۔ لوک سبھا کی کام کاج کی فہرست کے مطابق طلاق سے متعلق بل ایوان زیریں میں 28 دسمبر کو پیش کیا جائے گا۔

Dec 26, 2017 09:47 PM IST | Updated on: Dec 26, 2017 09:47 PM IST

نئی دہلی : تین طلاق سے متعلق بل جمعرات کو لوک سبھا میں پیش کیا جائے گا۔ لوک سبھا کی کام کاج کی فہرست کے مطابق طلاق سے متعلق بل ایوان زیریں میں 28 دسمبر کو پیش کیا جائے گا۔ کرسمس کی چھٹیوں کے بعد بدھ 27 دسمبر سے شروع ہورہے ہفتہ میں سرکار کے کام کاج کی فہرست میں اس قانون کو پیش کئے جانے کا تذکرہ کیا گیا ہے۔

اس قانون کو وزیر داخلہ راجناتھ سنگھ کی قیادت والی وزارتی سطح کے گروپ نے تیار کیا ہے ، جس میں زبانی ، تحریری یا ایس ایم ایس اور وہاٹس ایپ کے ذریعہ کسی بھی شکل میں تین طلاق یا طلاق بدعت کو غیر آئینی قرار دیا گیا ہے اور شوہر کو تین سال کی سزا کا بندوبست کیا گیا ہے۔ اس قانون کا کچھ دنوں قبل ہی مرکزی کابینہ نے منظوری دی تھی۔

تین طلاق سے متعلق بل 28 دسمبر کو پارلیمنٹ میں کیا جائے گا پیش

خیال رہے کہ یہ قانون گزشتہ ہفتہ ہی پیش کیا جانا تھا ، لیکن پارلیمانی امور کے وزیر اننت کمار نے کہا تھا کہ اس کو اب اگلے ہفتہ پیش کیا جائے گا ۔ اس ہفتہ لوک سبھا میں پسماندہ طبقہ کمیشن سے متعلق ترمیمی ایکٹ میں راجیہ سبھا میں کی گئیں ترمیمات پر بھی غور کیا جائے گا ۔