وزیر اعظم مودی نے کوچی میٹرو ریل کو قوم کے نام کیا وقف– News18 Urdu

وزیر اعظم مودی نے کوچی میٹرو ریل کو قوم کے نام کیا وقف

وزیر اعظم نریندر مودی نے آج یہاں ایک پروقار تقریب میں ملک کو ترقی کی جانب گامزن کرنے والے میٹرو ریل پروجکٹ کا افتتاح کرتے ہوئے اسے قوم کو وقف کیا۔

Jun 17, 2017 01:19 PM IST | Updated on: Jun 17, 2017 01:19 PM IST

کوچی: وزیر اعظم نریندر مودی نے آج یہاں ایک پروقار تقریب میں ملک کو ترقی کی جانب گامزن کرنے والے میٹرو ریل پروجکٹ کا افتتاح کرتے ہوئے اسے قوم کو وقف کیا۔ وزیر اعظم مودی آج کیرالہ کے گورنر جسٹس پی سداشیوم، وزیر اعلی پنارائی وجین، مرکزی وزیر ایم وینکیا نائیڈو، میٹرو مین انجینئر سری دھرن ، بی جے پی کے ریاستی صدر کممانم راج شیکھرن و دیگر معزز شخصیات کے ساتھ پلاری ویٹٹم اسٹیشن پہنچے ۔ وہاں انہوں نے سب کے ساتھ فیتہ کاٹ کر میٹرو کا باضابطہ افتتاح کیا۔

وزیر اعظم نے میٹرو کا افتتاح کرنے کے بعد وزیراعلی مسٹر وجین اور میٹرو مین مسٹر سری دھرن کو مبارکباد پیش کی۔ بعد ازاں ، مسٹر مودی دیگر شخصیات کے ساتھ میٹرو کی 13 منٹ کی سواری کی۔وہ پلاری ویٹٹم اسٹیشن سے پتھاڈی پالم اسٹیشن تک گئے اور واپس پھر پلاری ویٹٹم آگئے۔ میٹرو کی آمدورفت کل سے باضابطہ شروع ہوجائے گی۔

وزیر اعظم مودی نے کوچی میٹرو ریل کو قوم کے نام کیا وقف

Loading...

Loading...