pm narendra modi election campaign at patan in gujrat for lok sabha election 2019 ns– News18 Urdu

وزیراعظم مودی نے کہا 'پاکستان کووارننگ دے دی تھی، ابھینندن کوکچھ ہوا توچھوڑیں گےنہیں'۔

وزیراعظم نے اپنے آبائی ریاست میں کہا کہ میری اقتدارمیں واپس ہوگی، لیکن اگرگجرات نےبی جے پی کو26 سیٹیں نہیں دیں تو23 مئی کوٹی وی پرچرچا ہوگی کہ ایسا کیوں ہوا'۔

Apr 21, 2019 01:22 PM IST | Updated on: Apr 21, 2019 01:24 PM IST

لوک سبھا انتخابات کے تیسرے مرحلے کےلئے ووٹنگ سے قبل انتخابی تشہیرزوروشور سے جاری ہے۔ اسی درمیان وزیراعظم نریندرمودی نے اپنے آبائی ریاست گجرات میں تشہیری مہم چلائی۔ نریندرمودی نےگجرات کے پاٹن ضلع میں عوامی جلسےکوخطاب کرتے ہوئےکہا کہ جب ابھینندن کوپاکستان میں پکڑلیا گیا تھا تومیں نے ان سے (پاکستان) کہا 'اگرہمارے پائلٹ کوکچھ بھی ہوا توہم تمہیں نہیں چھوڑیں گے'۔

انہوں نےکہا کہ ایسا توپ تیارہےکہ نڑابیٹ سے گولا داغوتوپاکستان جاکرپھوٹے۔ انہوں نے کہا کہ 1985 کے بعد کانگریس نے ایک توپ نہیں بنائی۔ ہم نے ٹینک بنائی، ابھی امیٹھی میں اے کے47 کے بھی جدید رائفل بنانے کا کام شروع کیا۔ جل تھل اورخلا میں فوج کوہم نے مضبوطی دی۔

وزیراعظم مودی نے کہا 'پاکستان کووارننگ دے دی تھی، ابھینندن کوکچھ ہوا توچھوڑیں گےنہیں'۔

وزیراعظم مودی نے گجرات میں انتخابی ریلی کوخطاب کرتے ہوئے کمانڈر ونگ ابھینندن اور پاکستان کا ذکرکیا۔

وزیراعظم نریندرمودی نےکہا کہ میرے آبائی ریاست کے لوگوں کا فرض ہے کہ 'دھرتی کے پتر' (گجرات کے بیٹے) کی دیکھ بھال کریں۔ گجرات میں سبھی 26 سیٹیں مجھے دیجئے، میری حکومت اقتدار میں واپس آئے گی، لیکن اگرگجرات نے بی جے پی کو26 سیٹیں نہیں دیں تو23 مئی کوٹی وی پرچرچا ہوگی کہ ایسا کیوں ہوا'۔

انہوں نے کہا کہ اس چائے والے نے ہندوستان کو 11 ویں نمبرسے چھٹے نمبرپرلا دیا۔ ارجنٹینا میں جی 20 کی سمٹ تھی، اس میں ایک میٹنگ تھی روس، چین اور ہندوستان کی۔ دوسری میٹنگ تھی امریکہ، جاپان اورہندوستان کی۔ لیکن ان سبھی میٹنگ میں خاص بات یہ تھی کہ ان میں ہندوستان شامل تھا۔