پرینکا گاندھی وارانسی سے الیکشن لڑیں گی یا نہیں؟ راہل گاندھی نے دیا یہ جواب– News18 Urdu

پرینکا گاندھی وارانسی سے الیکشن لڑیں گی یا نہیں؟ راہل گاندھی نے دیا یہ جواب

نیوز 18 نے کچھ دنوں پہلے یہ خبر بریک کی تھی کہ پرینکا گاندھی وزیر اعظم مودی کے خلاف وارانسی سے الیکشن لڑ سکتی ہیں۔ اس خبر کے بعد پہلی بار راہل گاندھی کا اس پر ردعمل آیا ہے

Apr 18, 2019 10:15 AM IST | Updated on: Apr 18, 2019 10:15 AM IST

پرینکا گاندھی کے وارانسی سے الیکشن لڑنے کو لے کر ابھی بھی سسپنس برقرار ہے۔ ایک انگریزی اخبار نے جب راہل گاندھی سے پوچھا کہ وارانسی لوک سبھا سیٹ کو لے کر کانگریس نے سسپنس بنائے رکھا ہے، کیا آپ کی بہن کانگریس جنرل سکریٹری پرینکا گاندھی واڈرا وارانسی سے امیدوار بننے جا رہی ہیں؟ تو راہل کا جواب تھا کہ میں آپ کو سسپنس میں چھوڑ دوں گا۔ سسپنس ہمیشہ ایک بری چیز نہیں ہے۔ آگے راہل گاندھی نے جواب دیا کہ پرینکا گاندھی کے وارانسی سے الیکشن لڑنے کی خبر کی نہ میں تصدیق کر رہا ہوں اور نہ ہی اس کی تردید کر رہا ہوں۔

آپ کو بتا دیں کہ نیوز 18 نے کچھ دنوں پہلے یہ خبر بریک کی تھی کہ پرینکا گاندھی وزیر اعظم مودی کے خلاف وارانسی سے الیکشن لڑ سکتی ہیں۔ اس خبر کے بعد پہلی بار راہل گاندھی کا اس پر ردعمل آیا ہے۔

پرینکا گاندھی وارانسی سے الیکشن لڑیں گی یا نہیں؟ راہل گاندھی نے دیا یہ جواب

راہل گاندھی۔ پرینکا گاندھی: فائل فوٹو

حالانکہ اس سے پہلے جب پرینکا کے شوہر رابرٹ واڈرا سے اس بارے میں پوچھا گیا تھا تو انہوں نے کہا تھا کہ پرینکا کسی بھی ذمہ داری کے لئے پوری طرح سے تیار ہیں۔ اگر کانگریس انہیں یہ رول دیتی ہے تو وہ ضرور وزیر اعظم مودی کے خلاف وارانسی سے الیکشن لڑیں گی۔