seven people killed 34 injured in a massive accident on agra lucknow expressway near mainpuri ns– News18 Urdu

آگرہ - لکھنو ایکسپریس وے پرخطرناک حادثہ، 7 لوگوں کی موت اور34 زخمی

پولیس کے مطابق ہلاک ہونے والوں کی شناخت ہوگئی ہے۔ بتایا جارہا ہے کہ بس میں سوارسبھی لوگ بنارس گھومنے جارہے تھے۔

Apr 21, 2019 10:21 AM IST | Updated on: Apr 21, 2019 10:21 AM IST

اترپردیش میں مین پوری کے پاس آگرہ - لکھنوایکسپریس وے پرہفتہ دیررات خطرناک سڑک حادثہ ہوا۔ یہاں مین پوری ضلع کے کرہل تھانہ علاقے کے پاس دہلی سے وارانسی جارہی ایک پرائیویٹ بس بے قابوہوکرایک ٹرک کے ساتھ ٹکراگئی۔ اس خطرناک سڑک حادثے میں کم از کم7 لوگوں کی موت ہوگئی جبکہ 30 سے زیادہ مسافرزخمی ہوگئے۔

اطلاعات کے مطابق سبھی زخمیوں کوعلاج کے لئے ضلع اسپتال میں داخل کرایا گیا ہے، جہاں ہلاک ہونے والوں کی تعداد میں اضافہ ہوسکتا ہے۔ حادثہ کی اطلاع ملتے ہی ایس پی اجے شنکررائے سمیت کئی تھانوں کی پولیس ٹیم موقع پرراحت اوربچاوکام میں مصروف ہوگئی ہے۔

آگرہ - لکھنو ایکسپریس وے پرخطرناک حادثہ، 7 لوگوں کی موت اور34 زخمی

حادثہ کا شکار ہوئی بس

اطلاعات کے مطابق دہلی سے بنارس جارہی تیزرفتارپرائیویٹ بس ایک ٹرک میں جاکر ٹکرا گئی۔ حادثہ میں ڈرائیورسمیت 7 لوگوں کی موت ہوچکی ہے جبکہ 30 لوگ سنگین طور پر زخمی ہوگئے۔ سبھی زخمیوں کوعلاج کے لئے سیفئی پی جی آئی میں داخل کرایا گیا ہے۔

زخمی مسافر زخمی مسافر

حادثہ میں بس کا سامنے کا حصہ پوری طرح سے تباہ ہوگیا ہے۔ پولیس نے کرین کی مدد سے لاشوں کوباہرنکالا۔ ہلاک ہونے والوں کی شناخت ہوگئی ہے۔ پولیس نے لاشوں کوقبضے میں لےکرپوسٹ مارٹم کے لئےبھیج دیا ہے۔ بتایا جارہا ہےکہ بس میں سوارسبھی لوگ بنارس گھومنےجارہے تھے۔