سشما سوراج نے 2019 میں لوک سبھا الیکشن نہیں لڑنے کا کیا اعلان

گزشتہ کچھ مہینوں سے یہ قیاس آرائی کی جا رہی تھی کہ صحت وجوہات سے شاید وہ اگلا لوک سبھا الیکشن نہ لڑیں

Nov 20, 2018 03:40 PM IST | Updated on: Nov 20, 2018 03:40 PM IST
سشما سوراج نے 2019 میں لوک سبھا الیکشن نہیں لڑنے کا کیا اعلان

بھارتیہ جنتا پارٹی کی سینئر رہنما اور وزیر خارجہ سشما سوراج: فائل فوٹو۔

بھارتیہ جنتا پارٹی کی سینئر رہنما اور وزیر خارجہ سشما سوراج نے کہا ہے کہ وہ اگلا لوک سبھا الیکشن نہیں لڑیں گی۔ سشما سوراج نے اندور میں میڈیا کے ساتھ بات چیت کے دوران یہ اطلاع دی اور کہا کہ انہوں نے پارٹی کو اپنی منشا بتا دی ہے۔

سشما سوراج اس وقت مدھیہ پردیش میں ہیں۔ وہ اسمبلی الیکشن کے مدنظر بی جے پی کی انتخابی تشہیر میں مصروف ہیں۔ اسی ضمن میں وہ منگل کو اندور پہنچیں جہاں انہوں نے یہ بیان دیا ہے۔ معلومات کے مطابق، انہوں نے اپنے اس فیصلے سے پارٹی کے صدر امت شاہ کو آگاہ کر دیا ہے۔

Loading...

سشما سوراج مدھیہ پردیش کے ودیشا سے رکن پارلیمنٹ ہیں۔ گزشتہ کچھ مہینوں سے یہ قیاس آرائی کی جا رہی تھی کہ صحت وجوہات سے شاید وہ اگلا لوک سبھا الیکشن نہ لڑیں۔ قیاس آرائی یہ بھی کی جا رہی ہے کہ بی جے پی اب انہیں راجیہ سبھا کے ذریعہ پارلیمنٹ میں بھیجے گی۔

Loading...