ملائم سنگھ نے ہی لکھی تھی اکھلیش سے جھگڑے کی اسکرپٹ: امر سنگھ کا دعویٰ

امر سنگھ نے اکھلیش پر نشانہ لگاتے ہوئے کہا کہ جو لڑکا اپنی کرسی کے لئے باپ اور چچا کو الگ کر دیتا ہے اس کے بارے میں کیا کہنا چاہئے۔

Feb 22, 2017 09:37 AM IST | Updated on: Feb 22, 2017 09:37 AM IST

نئی دہلی۔ راجیہ سبھا ممبر پارلیمنٹ امر سنگھ نے ایک بار پھر باغی تیور دکھائے۔ نیوز 18 انڈیا کو دیئے خصوصی انٹرویو میں امر سنگھ نے اکھلیش یادو اور رام گوپال یادو پر حملہ کیا، تو وہیں امیتابھ بچن کی بیوی جیا بچن پر بھی طنز کسا۔

امر سنگھ نے اکھلیش پر نشانہ لگاتے ہوئے کہا کہ جو لڑکا اپنی کرسی کے لئے باپ اور چچا کو الگ کر دیتا ہے اس کے بارے میں کیا کہنا چاہئے۔ انٹرویو میں امر سنگھ پورے شاعرانہ انداز میں نظر آ رہے تھے۔ اس دوران انہوں نے 'یوپی کے لڑکوں' کی بھی چٹکی لی۔

ملائم سنگھ نے ہی لکھی تھی اکھلیش سے جھگڑے کی اسکرپٹ: امر سنگھ کا دعویٰ

امر سنگھ نے وزیر اعظم نریندر مودی کا دفاع کرتے ہوئے کہا کہ وزیر اعظم کسی پارٹی کا نہیں ہوتا، ملک کے لوگوں کا ہوتا ہے۔ امر سنگھ نے گینگ ریپ کے ملزم گایتری پرجاپتی کی زلفوں پر اپنی اداکاری سے جواب بھی دیا۔ یوپی کے لڑکوں پر بھی شاعرانہ انداز میں امر سنگھ نظر آئے۔ ایس پی کانگریس اتحاد کے لئے انہوں نے گانا بھی گایا۔

کچھ وقت پہلے سماج وادی پارٹی میں ہوئے ہنگامہ کے بعد آر جے ڈی سربراہ لالو پرساد یادو مسلسل امر سنگھ پر گھر توڑنے کا الزام لگاتے رہے ہیں۔ لالو یادو کے اس بیان پر امر سنگھ نے آج اس کا بھی جواب اپنے انداز میں دیا۔ انہوں نے ملائم اور لالو کے تعلقات کے بارے میں بھی بولا۔

امر سنگھ نے پی ایم مودی کو باہری بتانے والے بیان پر اکھلیش اور راہل گاندھی دونوں پر نشانہ لگایا ہے۔ انہوں نے کہا کہ اکھلیش مجھے باہری کہتے ہیں تو میں تو ہمیشہ سے باہری تھا، وہاں پر اندر کے لوگ تو صرف ملائم سنگھ، اکھلیش یادو، شیوپال یادو اور رام گوپال یادو ہیں، سارے فیصلے یہ چار لوگ کرتے ہیں۔

انہوں نے خاندان کے جھگڑے کو اسکرپٹڈ بتایا۔ کہا کہ ملائم سنگھ نے ہی جھگڑے کی اسکرپٹ لکھی تاکہ اکھلیش کا قد اور بڑا ہو سکے۔ راہل اور پرینکا پر نشانہ لگاتے ہوئے امر سنگھ نے کہا کہ جب سے دونوں اکھلیش کے ساتھ آئے ہیں، دونوں کو باہری لفظ سے پیار ہو گیا ہے۔ ایسے تو کشمیر سے یوپی میں آیا گاندھی خاندان بھی باہری ہے۔

متعلقہ اسٹوریز

ری کمنڈیڈ اسٹوریز