سول سروسز مین ایگزام : جامعہ ملیہ کے 25 اور زکوة فاؤنڈیشن کے 17مسلم امیدوار کامیاب

Mar 10, 2017 07:31 PM IST | Updated on: Mar 10, 2017 07:31 PM IST

دہلی(خرم شہزاد) سول سروس مینس امتحان میں جامعہ ملیہ اسلامیہ اور زکوة فاؤنڈیشن کے تربیت یافتہ 43 مسلم امیدواروں نے کامیابی حاصل کی ہے۔ مسلم دانشوران اس کو سول سروس کے لیے مثبت کامیابی تو قرار رے ہیں ، مگر ان کا کہنا ہے کہ ابھی میلوں لمبا سفر طے کرنا باقی ہے ۔

جامعہ ملیہ اسلامیہ میں مسلم طلبہ اعلی تعلیم کا خواب پورا کرنے آتے ہیں۔ اقلیتی یونیورسٹی کی ہونے کی وجہ سے 50 فیصد سیٹیں مسلم طلبہ کے لیے مختص ہوتی ہیں ۔ جامعہ میں چلنے والی سول سروس کوچنگ اکیڈ می کے اس مرتبہ 43 امیدوار کامیاب ہوئے ہیں ۔ تاہم ان میں مسلم امیدواروں کی تعداد 25 ہے ، جبکہ زکوة فاؤنڈیشن کے 18امیدواروں میں 17مسلم ہیں۔

سول سروسز مین ایگزام : جامعہ ملیہ کے 25 اور زکوة فاؤنڈیشن کے 17مسلم امیدوار کامیاب

خیال رہے کہ ہر سال سول سروس امتحان میں دس لاکھ افراد بیٹھتے ہیں ۔ آبادی لحاظ سے ایک لاکھ چالیس ہزارمسلم طلبہ کی امتحان میں شرکت ہونی چاہیے ، لیکن ایک فیصدی سے بھی کم ہزار سے بارہ سو مسلم امیدوار امتحان میں شریک ہوتے ہیں اور فائنل سلیکشن میں 35-40 مسلم امیدوار ہی کامیاب ہو پاتے ہیں ۔

سالوں سے سول سروس کے لئے مسلم بچوں کو تیار کرنے والے ڈاکٹر ظفر محمود کا کہنا ہے کہ جب تک مسلم امیدوار کی شرکت میں اضافہ نہیں ہوگا ، سول سروس میں مسلم نمائندگی کا گراف ٹھیک نہیں ہوگا۔

ڈاکٹر ظفر محمود کایہ بھی ماننا ہے کہ سول سروس کی تیار ی کرانے والے کامیاب ادارے دہلی میں ہیں ، اس لیے ایک بڑی اکیڈمی قائم کرنی ہوگی ۔ جس سے پانچ سو مسلم امیدوار امتحان میں شریک ہوں ، تبھی بہتر نتائج کی امید کی جا سکتی ہے ۔

متعلقہ اسٹوریز

ری کمنڈیڈ اسٹوریز