کشمیر میں پتھر بازوں سے نمٹنے کیلئے فورسز کو نئے طریقے سکھائے جارہے ہیں : ڈی جی سی آر پی ایف

سینٹرل ریزرو پولیس فورس (سی آر پی ایف) کے ڈائریکٹر جنرل راجیو رائے بٹناگر نے کہا کہ ریاستی پولیس اور نیم فوجی فورسز کو کشمیر میں پتھر بازی سے نمٹنے کے لئے نئے طریقے سکھائے جارہے ہیں۔

Aug 16, 2017 08:29 PM IST | Updated on: Aug 16, 2017 08:29 PM IST

سری نگر: سینٹرل ریزرو پولیس فورس (سی آر پی ایف) کے ڈائریکٹر جنرل راجیو رائے بٹناگر نے کہا کہ ریاستی پولیس اور نیم فوجی فورسز کو کشمیر میں پتھر بازی سے نمٹنے کے لئے نئے طریقے سکھائے جارہے ہیں۔ انہوں نے بتایا کہ مشتعل بھیڑ سے نمٹنے کے لئے نئے اسٹینڈرڈ آپریٹنگ پروسیجرس وضع کئے گئے ہیں۔

ڈائریکٹر جنرل نے بدھ کو یہاں ایک تقریب کے حاشیے پر نامہ نگاروں سے بات کرتے ہوئے کہا ’ہم نے جموں وکشمیر پولیس کے ساتھ مل کر نئی حکمت عملی ترتیب دی ہے۔ اس حکمت عملی میں پتھر بازی کے دوران غیرمہلک ہتھیاروں کا استعمال بھی شامل ہے‘۔

کشمیر میں پتھر بازوں سے نمٹنے کیلئے فورسز کو نئے طریقے سکھائے جارہے ہیں : ڈی جی سی آر پی ایف

file photo

انہوں نے کشمیر میں جاری انسداد عسکریت پسندی کی کاروائیوں پر بات کرتے ہوئے کہا کہ سیکورٹی فورسز گذشتہ چند ماہ کے دوران کچھ اعلیٰ جنگجو کمانڈروں کو ہلاک کرنے میں کامیاب ہوئے ہیں۔ انہوں نے انسداد عسکریت پسندی کی حالیہ کاروائیوں کو مختلف سیکورٹی ایجنسیوں بشمول پولیس، فوج اور سی آر پی ایف کے درمیان بہتر تال میل کا نتیجہ بتاتے ہوئے کہا کہ وادی میں جنگجو مخالف کاروائیاں جاری رکھی جائیں گی۔

مسٹر بٹناگر نے کہا کہ وادی میں امسال جنگجو مخالف آپریشنوں کے دوران کم از کم 132 جنگجوؤں کو ہلاک کیا گیا۔ انہوں نے وادی میں سرگرم جنگجوؤں کی تعداد ظاہر کرنے سے معذرت ظاہر کرتے ہوئے کہا کہ ہتھیار اٹھانے والے ہر شخص کو سیکورٹی فورسز کی کاروائی کا سامنا کرنا پڑے گا۔

Loading...

Loading...

متعلقہ اسٹوریز

ری کمنڈیڈ اسٹوریز