مرکزی وزیر رام داس اٹھاولے نے کہا : بیف کھانے کا سب کو حق ، گئو رکشکوں کو لگائی پھٹکار

Jul 14, 2017 08:15 PM IST | Updated on: Jul 14, 2017 08:15 PM IST

ممبئی : گئو ركشا کے نام پر ملک بھر میں تشدد کے واقعات کو لے کر مودی حکومت کے ہی ایک وزیر نے گئوركشكوں کو آڑے ہاتھوں لیا ہے۔ مرکزی وزیر رام داس اٹھاولے نے لوگوں کے ساتھ اس طرح کی زیادتی کرنے والوں کے خلاف سخت کارروائی کا مطالبہ بھی ہے۔ اٹھاولے نے گئوركشكوں کو آڑے ہاتھوں لیتے ہوئے کہا کہ بیف کھانے کا سب کو حق ہے۔ انہوں نے گئوركشكوں سے کہا کہ گئوركشا کے نام پر بھکشک بننا ٹھیک نہیں ہے۔

مرکزی وزیر رام داس اٹھاولے نے اے این آئی سے کہا کہ گئوركشكوں کو شدید سزا دی جانی چاہئے، بیف کھانے کا حق سب کو ہے۔ گئو رکشا کے نام پر اس طرح بھکشک بننا ٹھیک نہیں ہے۔ آپ کو پولیس کے پاس جانے کا حق ہے، قانون ہاتھ میں لینے کا حق نہیں، گئوركشكوں کو سخت سزا ملنی چاہئے۔

مرکزی وزیر رام داس اٹھاولے نے کہا : بیف کھانے کا سب کو حق ، گئو رکشکوں کو لگائی پھٹکار

قابل ذکر ہے کہ اٹھاولے کا یہ بیان ایسے وقت آیا ہے جب ملک بھر میں گئوركشكوں کی طرف سے اقلیتی فرقہ کے خلاف تشدد کے واقعات سامنے آنے کو لے کر بحث جاری ہے۔بیف کے نام پر تشدد کو لے کر مودی حکومت بھی کئی مرتبہ انتباہ دے چکی ہے ، لیکن پھر بھی اس طرح کے واقعات تھمنے کا نام نہیں لے رہی ہے۔ جمعرات کو مہاراشٹر کے ناگپور میں ایک شخص کو مبینہ طور پر بیف لے جانے کے شبہ میں بری طرح سے مارا پیٹا گیا تھا۔ پٹائی سے وہ شدید زخمی ہو گیا۔ اسپتال میں اس کا علاج چل رہا ہے۔

متعلقہ اسٹوریز

ری کمنڈیڈ اسٹوریز