Live Results Assembly Elections 2018

ہریانہ میں گائے کا گوشت فروخت کرنے کے الزام میں سات افراد کے خلاف کیس درج

چندی گڑھ ۔ ہریانہ پولیس نے گائے کا گوشت فروخت کرنے کے الزام میں سات افراد کے خلاف ایف آئی آر درج کی ہے۔

Nov 07, 2017 11:58 AM IST | Updated on: Nov 07, 2017 12:00 PM IST

چندی گڑھ ۔ ہریانہ پولیس نے گائے کا گوشت فروخت کرنے کے الزام میں سات افراد کے خلاف ایف آئی آر درج کی ہے۔ پولیس کے مطابق، معاملہ میوات کے فیروزپور جھرکا پولیس اسٹیشن میں سات مسلمانوں کے خلاف درج کیا گیا ہے۔ ان پرمبینہ طور پر بیف بریانی کی فروخت کرنے اور اس کا کاروبار کرنے کا الزام ہے۔

ملزمین پر ہریانہ گئو تحفظ ایکٹ، 2015 کے تحت کیس درج کیا گیا ہے ۔ ہریانہ گئو  تحفظ  ایکٹ کے تحت، گئو کشی کیس میں 10 سال کی قید کی سزا کا التزام ہے۔ درخواست گزار کے وکیل روی شرما نے نیوز ایجنسی آئی اے این ایس کو بتایا کہ، "ہریانہ پولیس نے پیر کے روز پنجاب اور ہریانہ ہائی کورٹ میں ایف آئی آر کی ایک نقل جمع کردی ہے۔"

ہریانہ میں گائے کا گوشت فروخت کرنے کے الزام میں سات افراد کے خلاف کیس درج

علامتی تصویر

Loading...

سیاست ڈاٹ کام کے مطابق، اس معاملہ میں شکایت اور جانور بہبود بورڈ کے نریش كاديان نے فیروز پور جھركا کے ڈپٹی عدالتی مجسٹریٹ سے رابطہ کیا اور پولیس کے ایف آئی آر درج کرنے سے انکار کے بعد ہائی کورٹ کا دروازہ کھٹکھٹایا۔ میوات کے ساتوں بریانی دکانداروں سے گوشت کے نمونے جمع کئے گئے ہیں جس کی سرکاری لیبارٹری میں تحقیقات کرائی جائے گی۔

Loading...

متعلقہ اسٹوریز

ری کمنڈیڈ اسٹوریز