آدھار کارڈ کی لازمیت کی تاریخ میں 31 مارچ تک توسیع کرے گی مودی حکومت

Dec 07, 2017 06:07 PM IST | Updated on: Dec 07, 2017 06:42 PM IST

نئی دہلی : حکومت نے سپریم کورٹ میں کہا ہے کہ سرکاری اسکیموں کا فائدہ حاصل کرنے کے لئے آدھار کارڈ کی لازمیت کی تاریخ اگلے سال 31 مارچ تک بڑھائےگي۔چیف جسٹس دیپک مشرا کی بنچ کے سامنے اٹارنی جنرل کے کے وینو گوپال نے آدھار کو سرکاری اسکیموں کا فائدہ حاصل کرنے کے معاملہ میں لازمی قرار دیئے جانے پر حکومت کے موقف کو پیش کیا۔ انہوں نے کہا کہ آدھارکارڈ کو ضروری بنائے جانے پر اب روک لگا پانا ممکن نہیں ہے کیونکہ کئی سال گزر گئے ہیں اور حکومت اس سمت میں کافی آگے بڑھ چکی ہے۔

مسٹر وینو گوپال نے اس مسئلہ پر حکومت سے بحث کرنے کے لئے تیار ہونے کی بات کہتے ہوئے کہا کہ آدھار کو ضروری بنانے کی آخری تاریخ اگلے سال 31 مارچ تک بڑھائے گی. مرکزی حکومت کی آدھار کی لازمیت کی آخری تاریخ بڑھانے کے سلسلے میں کل نوٹیفکیشن جاری کرے گی۔ فی الحال آخری تاریخ اس سال کے آخر تک تھی۔

آدھار کارڈ کی لازمیت کی تاریخ میں 31 مارچ تک توسیع کرے گی مودی حکومت

سپریم کورٹ نے آدھار کارڈ کی لازمیت کو چیلنج دینے والی درخواستوں پر سماعت کے دوران کہا کہ اس پر سماعت کے لئے آئینی بنچ قائم کرے گی۔ جسٹس مشرا نے کہا کہ اگلے ہفتے عدالت پانچ رکنی آئینی بنچ تشکیل کرے گی جو اس سے متعلق درخواستوں پر سماعت کرے گی۔

متعلقہ اسٹوریز

ری کمنڈیڈ اسٹوریز