حج 2018 : فارم جمع کرنے کی آخری تاریخ 22 دسمبر، دہلی میں اب تک 7700 درخواستیں موصول

Dec 21, 2017 05:43 PM IST | Updated on: Dec 21, 2017 05:45 PM IST

نئی دہلی: حج بیت اللہ2018کے لیے درخواست فارم جمع کرنے کا سلسلہ کل 22 دسمبر2017  کو ختم ہوجائے گا۔ دہلی اسٹیٹ حج کمیٹی کے ایگزیکٹو آفیسر اشفاق احمد عارفی نے یہ اطلاع دیتے ہوئے بتایا کہ اس سال دہلی میں گذشتہ برسوں کے مقابلے میں کم درخواستیں جمع ہوئی ہیں تاہم اب تک موصول ہونے والی تقریباً 7700درخواستوں کی تعداد، دہلی کو فراہم کیے جانے والے کل1539کوٹہ کے تناسب سے کہیں زیادہ ہے۔

انہوں نے بتایا کہ کم درخواستوں کی وجہ سے امسال سے حکومت ہند کی جانب سے حج سبسڈی کی یکبارگی منسوخی اور لگاتار چار سال تک درخواست دینے والوں کے مخصوص زمرہ بی کی تنسیخ بھی ہے۔ نئی حج پالیسی میں اس تبدیلی کا ایک مثبت پہلو یہ ہے کہ اس سے ہر کسی کے لیے حج بیت اللہ کے فریضہ کی ادائیگی کے لیے انتخاب کے امکانات روشن ہوں گے۔حج کمیٹی آف انڈیا سے جاری سرکلر کے مطابق اس سال قرعہ اندازی کا سلسلہ آئندہ ماہ جنوری میں مکمل کر لیا جائے گا۔

حج 2018 : فارم جمع کرنے کی آخری تاریخ 22 دسمبر، دہلی میں اب تک 7700 درخواستیں موصول

نئی حج پالیسی میں ہوائی جہاز کے مہنگے کرایے والے امبارکیشن پوائنٹ سے پرواز لینے والے عازمین کو دوسرے امبارکیشن پوائنٹ کے انتخاب کی سہولیات براہم کیے جانے کے نتیجے میں سری نگر امبارکیشن پوائنٹ سے دہلی منتقل ہونے والے عازمین کی اضافی تعداد کے پیش نظر دہلی اسٹیٹ حج کمیٹی ہر اعتبار سے تیاریوں میں مصروف ہے اور اس کے لیے حج کمیٹی پر عزم ہے کہ کسی بھی عازمین کو عارضی قیام، حج منزل سے ایئرپورٹ تک ٹرانسپورٹ کی فراہمی، طبی سہولیات وغیرہ میں کسی طرح کی کوئی دشواری نہیں ہوگی۔

متعلقہ اسٹوریز

ری کمنڈیڈ اسٹوریز