Live Results Assembly Elections 2018

پٹرول ڈیزل کی قیمتوں میں اضافے کا سلسلہ جاری

عالمی سطح پر خام تیل کی قیمتوں میں مسلسل دوسرے دن بڑی کمی کے درمیان آج ملک میں پٹرول ڈیزل کے دام ایک بار پھر بڑھ گئے۔

Oct 11, 2018 02:30 PM IST | Updated on: Oct 11, 2018 03:13 PM IST

عالمی سطح پر خام تیل کی قیمتوں میں مسلسل دوسرے دن بڑی کمی کے درمیان آج ملک میں پٹرول ڈیزل کے دام ایک بار پھر بڑھ گئے۔ چار میٹروپولیٹن شہروں- دہلی، کولکتہ، ممبئی اور چنئی میں ڈیزل 27 سے 29 پیسے اور پٹرول 9سے 11 پیسے فی لیٹر کے درمیان مہنگا ہوگیا۔ اس میں ڈیزل کے دام لگاتار چھٹے دن بڑھے ہیں۔

ملک کی سب سے بڑی تیل مارکیٹنگ کمپنی انڈین آئل کارپوریشن کے مطابق، قومی دارالحکومت دہلی میں آج پٹرول 10 پیسے مہنگا ہوکر 82.36 روپے اور ڈیزل 27 پیسے مہنگا ہوکر 74.62 روپے فی لیٹر تک پہنچ گیا۔

پٹرول ڈیزل کی قیمتوں میں اضافے کا سلسلہ جاری

علامتی تصویر

Loading...

کولکتہ میں بھی پٹرول کی قیمت 10 پیسے اور ڈیزل کے 27 پیسے بڑھ کر بالترتیب 84.19 روپے اور 76.47 روپے فی لیٹر فروخت ہورہاہے۔

ممبئی میں پٹرول نو پیسے اور چنئی میں 11 پیسے مہنگا ہوکر بالترتیب 87.82 روپے اور 85.61 روپے فی لیٹر ہوگیا ہے۔ دونوں شہروں میں ڈیزل کے دام 29-29 پیسے بڑھ کر بالترتیب 78.22 روپے اور 78.90 روپے فی لیٹر فروخت ہورہاہے۔

Loading...

متعلقہ اسٹوریز

ری کمنڈیڈ اسٹوریز