کیجریوال کے نام کپل مشرا کی ماں کا خط ، میرا بیٹا کپل بی جے پی کا نہیں سچ کا ایجنٹ ہے

عام آدمی پارٹی سے نکالے گئے سابق وزیر کپل مشرا کی ماں نے دہلی کے وزیر اعلی اروند کیجریوال کو خط لکھا ہے ۔

May 12, 2017 10:37 AM IST | Updated on: May 12, 2017 10:43 AM IST

نئی دہلی : عام آدمی پارٹی  سے نکالے گئے سابق وزیر کپل مشرا کی ماں نے دہلی کے وزیر اعلی اروند کیجریوال کو خط لکھا ہے ۔ انہوں نے کیجریوال پر جھوٹ کو پھیلانے کا الزام لگاتے ہوئے کہا ہے کہ انہیں بھگوان سے ڈرنا چاہئے ۔ انہوں نے کہا کہ کیجریوال سوالوں سے بچ رہے ہیں اور جواب دینے کی جگہ کپل کو بی جے پی کا ایجنٹ بتا رہے ہیں ۔

بی جے پی میئر رہ چکی کپل کی ماں نے کہا کہ دہلی کی سب سے پہلی محلہ سبھا میں نے لگائی تھی ، جس میں  اروند کیجریوال بھی آئے تھے ۔ کپل اس سبھا کو چلا رہا تھا ۔ تم نے اپنی کتاب 'سوراج' میں اس کی تعریف بھی کی ہے ۔ لیکن اب تمہارے لوگ مجھے بدعنوان کہہ رہے ہیں ، آج کہاں سے کہاں آ گئے ہو تم ۔

کیجریوال کے نام کپل مشرا کی ماں کا خط ، میرا بیٹا کپل بی جے پی کا نہیں سچ کا ایجنٹ ہے

انپورنا نے کہا کہ اروند تم نے کپل کے ساتھ کام تو کیا ، لیکن شاید اسے پہچانا نہیں ۔ وہ بہت ضدی ہے ۔ تین دن سے کچھ نہیں کھایا ہے ۔ مجھے فخر ہے کہ میں نے ایسے بیٹے کو جنم دیا ہے ۔ ایک ماں ہونے کے ناطے صرف اتنا کہنا چاہتی ہوں کہ چھوٹی سی معلومات مانگی ہے ، وہ دے دو ۔ وہ کسی کا ایجنٹ نہیں ہے ، بلکہ سچ کا ایجنٹ ہے ۔

خیال رہے کہ کپل مشرا نے اروند کیجریوال سمیت کچھ لیڈروں پر بدعنوانی کا الزام لگایا ہے ۔ اس کے ساتھ ہی سنجے سنگھ پر روس میں غیر قانونی طریقے سے ڈیلنگ کا بھی الزام لگایا ہے ۔ انہوں نے کہا ہے کہ جب تک پارٹی رہنماؤں کے غیر ملکی دوروں کی تفصیلات نہیں دی جاتی ہے ، تب تک وہ بھوک ہڑتال نہیں توڑیں گے ۔ وہ اپنے گھر میں ہی انشن پر بیٹھے ہیں ۔

متعلقہ اسٹوریز

ری کمنڈیڈ اسٹوریز