وزیر اعظم نریندر مودی کی لوگوں سے بڑھ چڑھ کر ووٹ کرنے کی اپیل

نئی دہلی۔ وزیر اعظم نریندر مودی نے گجرات اسمبلی انتخابات کے لئے لوگوں سے بڑھ چڑھ ووٹ ڈالنے کی اپیل کی ہے۔

Dec 09, 2017 10:16 AM IST | Updated on: Dec 09, 2017 10:17 AM IST

نئی دہلی۔ وزیر اعظم نریندر مودی نے گجرات اسمبلی انتخابات کے لئے لوگوں سے بڑھ چڑھ کر ووٹ ڈالنے کی اپیل کی ہے۔ مسٹر مودی نے ٹوئٹ کر کے کہا ' پہلے مرحلے کی پولنگ شروع ہو گئی ہے۔ ووٹروں سے اپیل ہے کہ وہ بڑی تعداد میں گھر وں سے نکلیں اور ریکارڈ ووٹنگ کریں۔ خاص طور پر نوجوانوں سے اپیل کرتا ہوں کہ وہ اپنے رائے دہی کا استعمال ضرور کریں۔ '

غور طلب ہے کہ گجرات اسمبلی کے لئے پہلے مرحلے میں جنوبی اور سوراشٹر علاقے کے 19 اضلاع کی 89 سیٹوں پر صبح آٹھ بجے سے پولنگ شروع ہوگئی ہے۔ صبح سے ہی کئی مقامات پر ووٹروں کی لمبی قطاریں لگی ہیں۔ پہلے مرحلے میں جن اضلاع میں انتخابات ہو رہے ہیں ، ان میں- کچھ، سریندرنگر، راج کوٹ، موربی، جام نگر، دیو بھومی-دوارکا، پوربندر، گر-سومناتھ، جونا گڑھ،امریلي، بھاؤنگر، بوٹاد (11 ضلع سوراشٹر علاقے کے) اور نرمدا، بھروچ، تاپی، سورت، نوساري، ولساڈ، ڈانگ (ساتوں جنوبی گجرات کے) شامل ہیں۔ دوسرے مرحلے میں باقی 14 اضلاع کی 95 سیٹوں پر 14 دسمبر کو پولنگ ہوگی جبکہ ووٹوں کی گنتی 18 دسمبر کو ہوگی۔

وزیر اعظم نریندر مودی کی لوگوں سے  بڑھ چڑھ کر ووٹ کرنے کی اپیل

وزیر اعظم نریندر مودی : فائل فوٹو

متعلقہ اسٹوریز

ری کمنڈیڈ اسٹوریز