رام چندر گہا نے پھوڑا لیٹر بم : دراوڑ، دھونی اور گواسکر پر لگائے سنگین الزامات ، کوچ کمبلے کی حمایت

Jun 02, 2017 02:28 PM IST | Updated on: Jun 02, 2017 02:28 PM IST

نئی دہلی : بی سی سی آئی کی انتظامی کمیٹی سے استعفی دینے کے بعد رام چندر گہا نے سنسنی خیز لیٹر بم پھوڑا ہے۔ اس خط میں گہا نے ٹیم انڈیا کے اسٹار کھلاڑیوں پر جم کر حملہ بولا ہے۔ انہوں نے ٹیم کے سینئر کھلاڑیوں کو خاص اہمیت دینے اور انہیں قوانین کو نظر انداز کرکے فائدہ پہنچانے کی جم کر تنقید کی ہے۔

استعفی دینے کے بعد بی سی سی آئی کے چیئرمین ونود رائے کو ایک خط لکھ کر بے حد ہی اہم مسائل کو سامنے لانے کی کوشش کی ہے۔ رام چندر گہا کو سپریم کورٹ نے انتظامی کمیٹی کا ممبر بنایا تھا، لیکن گہا نے ذاتی وجوہات کا حوالہ دیتے ہوئے اپنے عہدے سے استعفی دے دیا ہے۔

رام چندر گہا نے پھوڑا لیٹر بم : دراوڑ، دھونی اور گواسکر پر لگائے سنگین الزامات ، کوچ کمبلے کی حمایت

گہا نے اپنے خط میں استعفی کے پیچھے سات اہم وجوہات بتائی ہیں ۔ اپنے خط میں گہا نے بی سی سی آئی میں شفافیت نہیں ہونے کا سوال کھڑا کیا ہے، انہوں نے ٹیم انڈیا کے سینئر کھلاڑیوں پر جم کر حملہ بولا ہے۔ انہوں نے ان کھلاڑیوں کو بی سی سی آئی اور انتظامی کمیٹی کی طرف سے دی جا رہی خصوصیات پر بھی سوال کھڑا کیا ہے۔

سری ناتھ کی وکالت

انتظامی کمیٹی گھریلو کرکٹروں کو نظر انداز کرتا ہے اور بین الاقوامی کھلاڑیوں اور ان کے درمیان میچ فیس کا بہت زیادہ فرق ہے۔ نکالے گئے افسران بی سی سی آئی می میٹنگوں میں شرکت کرتے ہیں، لیکن انتظامی کمیٹی اس پر خاموشی سادھے ہوئے ہے۔ انتظامی کمیٹی میں ایک بھی مرد کرکٹر نہیں ہے۔ جواگل سری ناتھ کو کمیٹی میں شامل کیا جانا چاہئے۔

گہا کے خط میں سنگین الزامات

دراوڑ پر الزام: انتظامی کمیٹی مفادات کے ٹکراو کو ختم کرنے میں ناکام رہی ہے۔ نیشنل کوچ آئی پی ایل کے لئے قومی ٹیم کو نظر انداز کر رہے ہیں۔ دہلی ڈیئر ڈیولس کے کوچ راہل دراوڑ ٹیم انڈیا اے اور جونیئر ہندوستانی ٹیم کے بھی کوچ ہیں۔

گواسکر کمنٹری ٹیم میں کیوں؟ : سنیل گواسکر ایک کھلاڑیوں کی مینجمنٹ کمپنی کے سربراہ ہے۔ اس کے باوجود انہیں بی سی سی آئی نے کمنٹری کیلئے رکھا ہوا۔

دھونی کو گریڈ اے کیوں ؟: ٹیسٹ ٹیم میں نہ ہونے کے بعد بھی مہندر سنگھ دھونی کو ایک گریڈ میں رکھا گیا ہے۔

پرفامنس اچھی، پھر کمبلے کے ساتھ ایسا سلوک کیوں ؟: ہندوستانی ٹیم کے کوچ کے معاملہ کو غلط طریقے سے سنبھالا گیا، بطور کوچ کمبلے کی بہترین کارکردگی کے بعد بھی چیمپئنز ٹرافی سے ٹھیک پہلے ان پر تنازع کھڑا کیا گیا ہے۔

متعلقہ اسٹوریز

ری کمنڈیڈ اسٹوریز