آر ایس ایس کی اگلی افطار پارٹی اب شہید ہندوستانی فوجی افسر عمر فیاض کے نام

Jun 07, 2017 11:23 AM IST | Updated on: Jun 07, 2017 11:23 AM IST

نئی دہلی۔  راشٹریہ سویم سیوک سنگھ کی مسلم شاخ مسلم راشٹریہ منچ کی جانب سے منعقد کی جانے والی اگلی روزہ افطار پارٹی شہید بھارتی فوجی افسر لیفٹیننٹ عمر فیاض کے نام سے ہوگی ۔ آر ایس ایس کے ذرائع نے بتایا کہ پارٹی میں تین طلاق کی شکار ہوئیں تقریبا 100 خواتین خاص طور سے مدعو کی گئی ہیں۔ ذرائع کے مطابق اس پارٹی کے انعقاد کا بنیادی مقصد لوگوں کے درمیان محبت اور بھائی چارے کے جذبے کی حوصلہ افزائی کرنا ہے۔

مسلم راشٹریہ منچ نے گزشتہ روز جامعہ ملیہ اسلامیہ میں افطار پارٹی کا اہتمام کیا تھا جس کی جامعہ کے طلبہ نے شدید مخالفت کی تھی۔ طلبہ کے سخت احتجاج کے درمیان یہ افطار پارٹی ہوئی تھی۔

آر ایس ایس کی اگلی افطار پارٹی اب شہید ہندوستانی فوجی افسر عمر فیاض کے نام

آر ایس ایس لیڈر اندریش کمار: فائل فوٹو

 پارٹی میں آر ایس ایس لیڈر اندریش کمار نے لوگوں سے گوشت نہ کھانے کی اپیل کی اور کہا کہ پیغمبر محمد اور حضرت عائشہ نے کبھی گوشت نہیں کھایا تھا۔ انہوں نے گوشت خوری کو 'بیماری' اور دودھ کو 'علاج' بتایا اور ساتھ ہی تین طلاق کو 'ایک عظیم گناہ قرار دیا۔ مسلم راشٹریہ منچ کی تشکیل آر ایس ایس کے کچھ عہدیداروں اور مسلم ارکان نے 24 دسمبر 2002 کو کی تھی۔

متعلقہ اسٹوریز

ری کمنڈیڈ اسٹوریز