مولانا کلب جواد نے یوگی حکومت کے فیصلہ کا خیر مقدم کیا ، وسیم رضوی پر لگائے سنگین الزامات

معروف شیعہ عالم دین مولانا کلب جواد نے جمعہ کو شیعہ وقف بورڈ کے چیئرمین وسیم رضوی اور سابق وزیر اعظم خاں پر شدید حملہ كيا

Jun 17, 2017 10:34 AM IST | Updated on: Jun 17, 2017 10:34 AM IST

لکھنو : معروف شیعہ عالم دین مولانا کلب جواد نے جمعہ کو شیعہ وقف بورڈ کے چیئرمین وسیم رضوی اور سابق وزیر اعظم خاں پر شدید حملہ كيا ۔ انہوں نے ای ٹی وی / نیوز 18 سے بات چیت میں کہا کہ وسیم رضوی بدعنوانی میں شامل ہیں ۔ انہوں نے کروڑوں کی زمینوں کی ہیرا پھیری ہے ۔

کلب جواد نے کہا کہ ابھی دو مہینے پہلے ہی بی جے پی حکومت میں رضوی نے میرٹھ موٹروے پر 50 کروڑ کی زمین کوڑیوں کے بھاو بیچ دی ۔ اتنا ہی نہیں انہوں نے ایک بلڈر کے ساتھ مل کر اموسی کے پاس 1000 بیگھہ سرکاری زمین کو جعلی وقف نامہ بنوا کر بیچ ڈالا ۔

مولانا کلب جواد نے یوگی حکومت کے فیصلہ کا خیر مقدم کیا ، وسیم رضوی پر لگائے سنگین الزامات

Loading...

انہوں نے حکومت کے فیصلے کا خیر مقدم کرتے ہوئے کہا کہ پورے معاملہ کی سی بی آئی جانچ ضرور ہونی ہونا چاہئے ۔ جواد نے کہا کہ چیئرمین کو ہٹانے کا ایک عمل ہے ، اس کے تحت پہلے نوٹس دیا جاتا ہے ، اس کے علاوہ اگر وقف بورڈ کے اراکین تحریک لائیں تو بھی انہیں ہٹایا جا سکتا ہے ۔

انہوں نے کہا کہ رضوی اور اعظم خان کے خلاف سی بی آئی جانچ ضرور ہونی چاہئے ۔ شیعہ اور سنی وقف بورڈ میں جم کر گندگی پھیلی ہوئی ہے ۔ ابھی یوگی حکومت نے ان بے ایمان کے خلاف قدم اٹھایا ہے ۔ جواد نے کہا کہ شیعہ وقف بورڈ میں تو ان جیسے لوگ بدعنوانی کے خلاف آواز اٹھاتے رہے ہیں ، لیکن سنی وقف بورڈ میں تو کوئی بھی کچھ نہیں بولتا ۔

Loading...

متعلقہ اسٹوریز

ری کمنڈیڈ اسٹوریز