'مختارعباس نقوی نے کہا 'موجودہ سیشن میں منظور کیا جائے تین طلاق بل

اقلیتی امور کے مرکزی وزیر مختار عباس نقوی نے آج کہا کہ حکومت چاہتی ہے کہ تین طلاق مخالف بل پارلیمنٹ کے موجودہ سیشن میں ہی منظور کیا جائے۔

Mar 13, 2018 09:10 PM IST | Updated on: Mar 13, 2018 09:10 PM IST

نئی دہلی۔اقلیتی امور کے مرکزی وزیر مختار عباس نقوی نے آج کہا کہ حکومت چاہتی ہے کہ تین طلاق مخالف بل پارلیمنٹ کے موجودہ سیشن میں ہی منظور کیا جائے۔محتار عباس نقوی نے آج یہاں نامہ نگاروں سے کہا کہ " ہماری کوشش ہے کہ تین طلاق (طلاق بدعت) بل پر راجیہ سبھا میں بحث ہو اور اگر اپوزیشن کی طرف سے کوئی ضروری ترمیم ہو تو اسے ایوان میں رکھنا چاہئے"۔

انہوں نے کہا کہ یہ بل لوک سبھا سے بغیر کسی تبدیلی کے منظور ہو گیا ہے ، لیکن کانگریس سمیت کچھ اپوزیشن پارٹیوں نے راجیہ سبھا میں اس کی مخالفت کی ہے۔

'مختارعباس نقوی نے کہا 'موجودہ سیشن میں منظور کیا جائے تین طلاق بل

فائل فوٹو

بتادیں کہ ایک سوال کے جواب میں انہوں نے کہا کہ اس بل کو سلیکٹ کمیٹی کے پاس بھیجنے سے کوئی فائدہ نہیں ہوگا۔ اس پر پارلیمنٹ میں بحث ہونی چاہئے، تاکہ پورا ملک دیکھ سکے۔

قابل ذکر ہے کہ متعلقہ بل میں طلاق بدعت کو قابل سزا جرم بنایا گیا ہے اور اس میں شوہر کو قید اور جرمانے کی تجویز ہے۔

متعلقہ اسٹوریز

ری کمنڈیڈ اسٹوریز