Live Results Assembly Elections 2018

بغیردیکھے ہی پاکستان نے بالی ووڈ فلم بیگم جان پر لگائی پابندی

فلم سازوں میں سے ایک مہیش بھٹ کے مطابق ان کی خواہش ہے کہ کاش پڑوسی ملک کا سینسر بورڈ ایک بار فلم دیکھتا اور پھر کوئی فیصلہ لیتا۔

Apr 14, 2017 12:07 PM IST | Updated on: Apr 14, 2017 12:07 PM IST

ممبئی : ہندوستان کی تقسیم کے پس منظر پر بنی فلم بیگم جان پر پاکستان میں پابندی لگا دی گئی ہے۔ فلم سازوں میں سے ایک مہیش بھٹ کے مطابق ان کی خواہش ہے کہ کاش پڑوسی ملک کا سینسر بورڈ ایک بار فلم دیکھتا اور پھر کوئی فیصلہ لیتا۔

مہیش بھٹ نے سوشل میڈیا پر آئی اے این ایس سے کہا کہ میں اپنا سامان فروخت کرنے کے لئے پاکستان کو ایک مارکیٹ کے طور پر نہیں دیکھتا، جب ان کے سینسر بورڈ نے فلم بیگم جان نہیں دیکھی، تو میرے کچھ قریبی ساتھیوں نے میرا مذاق بنایا، مجھے برا لگا، کاش کہ وہ ایک مرتبہ میری فلم دیکھتے اور پھر پاکستان میں اسے ریلیز نہ کرنے کا فیصلہ کرتے۔

بغیردیکھے ہی پاکستان نے بالی ووڈ فلم بیگم جان پر لگائی پابندی

انہوں نے کہا کہ مجھے سینسر بورڈ کے کسی شخص نے کہا کہ میں اطلاعات ونشریات کی وزارت سے بات کروں، جو غیر ملکی فلموں کی درآمد کی اجازت دیتا ہے ، کیونکہ سینسر بورڈ تو صرف سینسر کوڈ کے مطابق فلم دیکھتا ہے، مجھے بتایا گیا کہ فلم کی درآمد پر اعتراض ان کی (وزارت) جانب سے آئی تھی۔

خیال رہے کہ فلم میں ودیا بالن ایک کوٹھے کی مالکن بنی ہیں۔ یہ فلم 1947 میں تقسیم کے وقت سیکس ورکرس پر مبنی ہے۔یہ پوچھے جانے پر کہ کیا پاکستان تقسیم پر بنی ہندوستانی فلموں کی درآمد نہیں کرتا، پاکستان سینسر بورڈ (سی بی ایف سی) کے سربراہ مبشر حسن نے کہا کہ براہ کرم ڈسٹریبیوٹر سے پوچھیں، وہ فلمیں درآمد کرتے ہیں، حکومت نہیں۔

Loading...

Loading...

متعلقہ اسٹوریز

ری کمنڈیڈ اسٹوریز