اویسی نے کہا "اتحاد کے لئے کانگریس- بی جے پی کے علاوہ بھی ہیں متبادل"۔

حیدرآباد کے ممبرپارلیمنٹ اویسی نے یہ بھی کہا کہ نامزدگی داخل کرنے میں بہت وقت ہے، اس لئے کچھ وقت بعد یہ فیصلہ کریں گے کہ ایم آئی ایم کتنی سیٹوں پرالیکشن لڑے گی۔  

Oct 07, 2018 08:26 AM IST | Updated on: Oct 07, 2018 08:33 AM IST

الیکشن کمیشن نے تلنگانہ، مدھیہ پردیش، راجستھان، چھتیس گڑھ اورمیزورم میں آئندہ اسمبلی انتخابات کی تاریخوں کا اعلان کردیا ہے۔ کمیشن نے چھتیس گڑھ میں دو مرحلوں میں الیکشن کرانے کا اعلان کیا ہے۔ حیدرآباد کے ممبرپارلیمنٹ اور آل انڈیا مجلس اتحاد المسلمین (اے آئی ایم آئی ایم) کے سربراہ اسدالدین اویسی نے اس کا استقبال کرتے ہوئے بی جے پی پرتنقید کی ہے۔

اسدالدین اویسی نے کہا کہ بی جے پی دیگر موضوعات سے توجہ ہٹانے کے لئے مندرکے مدعے پرالیکشن میں ایک بار پھرپولرائزیشن کرنے کی کوشش کررہی ہے۔ تلنگانہ اسمبلی الیکشن کے بعد ہم عظیم اتحاد (مہا گٹھ بندھن) کے بارے میں فیصلہ کریں گے۔

اویسی نے کہا

مجلس اتحاد المسلمین کے سربراہ اسدالدین اویسی: فائل فوٹو

اس کے ساتھ ہی اویسی نے واضح الفاظ میں یہ بھی کہا کہ صرف کانگریس یا بی جے پی ہی  متبادل نہیں ہیں، ان کےعلاوہ بھی کئی متبادل ہیں۔  حیدرآباد کے ممبرپارلیمنٹ نے یہ بھی کہا کہ نامزدگی داخل کرنے میں بہت وقت ہے، اس لئے کچھ وقت بعد یہ فیصلہ کریں گے کہ اے آئی ایم آئی ایم کتنی سیٹوں پرالیکشن لڑے گی۔ واضح رہے کہ حیدرآباد میں اے آئی ایم آئی ایم کے ابھی صرف 7 ممبراسمبلی ہیں۔

تلنگانہ اسمبلی تحلیل ہونے کے بعد الیکشن کمیشن نے واضح کیا تھا کہ کسی بھی ریاست میں قبل ازوقت الیکشن ہونے کے ساتھ ہی ضابطہ اخلاق فوری نافذ ہوجائے گی۔ اس ریاست کی کارگزارحکومت نئی اسکیموں کا اعلان نہیں کرسکتی ہے۔

وہیں بی جے پی صدرامت شاہ پہلے ہی یہ اعلان کرچکے ہیں کہ بی جے پی تلنگانہ میں تمام سیٹوں پرالیکشن لڑے گی اور کسی دیگرپارٹی سے اتحاد نہیں کرے گی۔ حیدرآباد میں ایک پریس کانفرنس میں امت شاہ نے کہا تھا کہ بی جے پی تلنگانہ کی سبھی سیٹوں پرالیکشن لڑے گی اورریاست میں بڑی طاقت بن کرابھرے گی۔

امت شاہ نے کہا تھا کہ چندر شیکھرراو پہلے "ایک ملک ایک الیکشن" کو حمایت دے چکے ہیں، لیکن اب ان کے رجحان میں تبدیلی آگئی ہے۔ تلنگانہ جیسے چھوٹی ریاست کے لئے وہ چاہتے ہیں کہ دو الیکشن میں پیسے خرچ ہوں۔ یہ تلنگانہ کی عوام پر بوجھ ہے۔

یہ بھی پڑھیں:        طلاق ثلاثہ سے متعلق مودی حکومت کے آرڈیننس کو عدالت میں چیلنج کرنے کی ضرورت : اسد الدین اویسی

یہ بھی پڑھیں:       اسد الدین اویسی نے کہا "ہندووں میں زیادہ ہوتا ہے اسقاط حمل"، بی جے پی کا سخت اعتراض

یہ بھی پڑھیں:     موہن بھاگوت کے ’کتّے- شیر‘ والے بیان پر اپوزیشن جماعتوں نے کیا حملہ بتایا ’’ہندو مخالف‘‘۔

 

 

 

متعلقہ اسٹوریز

ری کمنڈیڈ اسٹوریز