باونسرس نے پب میں جانے کی نہیں دی اجازت ، دروازہ پر ہی نوجوان نے پٹرول چھڑک کر لگالی آگ

پب میں جانے کی باونسرس کی جانب سے اجازت نہ دیئے جانے پر مایوسی کے عالم میں ایک نوجوان نے خود کے جسم پر پٹرول ڈال کر آگ لگالی اور باونسر پر بھی پٹرول ڈال دیا

Dec 31, 2017 12:16 PM IST | Updated on: Dec 31, 2017 12:26 PM IST

حیدرآباد: پب میں جانے کی باونسرس کی جانب سے اجازت نہ دیئے جانے پر مایوسی کے عالم میں ایک نوجوان نے خود کے جسم پر پٹرول ڈال کر آگ لگالی اور باونسر پر بھی پٹرول ڈال دیا جس کے نتیجہ میں باونسر بھی جھلس گیا۔ یہ واقعہ کل شب تقریبا چار بجے حیدرآباد کے پنجہ گٹہ میں پیش آیا۔اس نوجوان کی شناخت ضلع نظام آباد کے رہنے والے سندیپ ورما کے طور پر کی گئی ہے۔

بتایا جارہا ہے کہ وہ کل شب پب پہنچا اور اندر جانے کی کوشش کی تاہم پب کے باہر باونسرس نے اس کو اندر جانے سے روک دیا جس پر برہمی کے عالم میں سندیپ وہاں سے چلاگیا تاہم کچھ دیر بعد وہ پٹرول کی بوتل کے ساتھ وہاں پہنچا اور اپنے جسم پر پٹرول ڈال کر آگ لگالی اور باونسرس پر بھی پٹرول ڈالنے کی کوشش کی۔اس واقعہ میں وہ شدید طورپر جھلس گیا ۔

باونسرس نے پب میں جانے کی نہیں دی اجازت ، دروازہ پر ہی نوجوان نے پٹرول چھڑک کر لگالی آگ

ایک نوجوان نے خود کے جسم پر پٹرول ڈال کر آگ لگالی اور باونسر پر بھی پٹرول ڈال دیا۔ علامتی تصویر۔

اس کو علاج کے لئے فوری طورپر اسپتال منتقل کردیاگیا۔بتایاجاتا ہے کہ یہ نوجوان حالت نشہ میں تھا۔اس واقعہ میں یہ نوجوان 50فیصد تک جھلس گیاجبکہ باونسر بھی تقریبا30فیصد تک جھلس گیا ۔ پولیس نے اس سلسلہ میں ایک معاملہ درج کرکے پب میں موجود افراد کو پولیس اسٹیشن طلب کرتے ہوئے ان سے پوچھ تاچھ کی جارہی ہے۔پنجہ گٹہ پولیس سی سی ٹی وی فوٹیج کا تجزیہ کر رہی ہے تاکہ اس انتہائی اقدام کی حقیقی وجہ معلوم ہوسکے۔

Loading...

Loading...

متعلقہ اسٹوریز

ری کمنڈیڈ اسٹوریز