حج 2017 : مکہ معظمہ میں آندھرا پردیش کی 71 سالہ حاجی فاطمہ بی شیخ کا انتقال

Sep 14, 2017 05:30 PM IST | Updated on: Sep 14, 2017 05:30 PM IST

حیدرآباد: آندھراپردیش کے ضلع گنٹور سے تعلق رکھنے والی ایک حاجی محترمہ فاطمہ بی شیخ (71)کا آج ان کی رہائش گاہ واقع عزیزیہ میں انتقال ہوگیا۔ وہ اپنے بیٹے بہو اور پوتے کے ہمراہ 22اگست کو حیدرآباد امبارکیشن پوائنٹ سے بعزم حج روانہ ہوئی تھیں۔ اسپیشل آفیسر تلنگانہ اسٹیٹ حج کمیٹی پروفیسر ایس اے شکور نے خادم الحجاج کو ان کی نماز جنازہ اور تدفین کے لئے فوری کارروائیاں کرنے کی ہدایت دی۔ ضروری کارروائیوں کی تکمیل کے بعد نماز جنازہ حرم شریف میں ادا کی جائے گی اور تدفین جنت ا لحجاج مکہ مکرمہ میں عمل میں آئے گی۔

تاحال تلنگانہ سے تعلق رکھنے والے چھ حاجیوں کا انتقال ہوا ہے ۔ جبکہ حیدرآباد امبارکیشن پوائنٹ کے جملہ آٹھ حاجی صاحبان فوت ہوئے ہیں‘ جن میں آندھرا پردیش کے دوحاجی اور کرناٹک کے ایک حاجی شامل ہیں۔ اسپیشل افسرفتلنگانہ اسٹیٹ حج کمیٹی پروفیسر ایس اے شکور نے مرحومہ کے لواحقین سے بات کی اور ان سے اظہار تعزیت کرتے ہوئے صبر جمیل کی تلقین کی ۔

حج 2017 : مکہ معظمہ میں آندھرا پردیش کی 71 سالہ حاجی فاطمہ بی شیخ کا انتقال

متعلقہ اسٹوریز

ری کمنڈیڈ اسٹوریز